Sambal Senuk

sambal senuk pak beluk dengan merin lum lame ini diutus tetangenye ndampingi pengantin. due sekantin ini di tunjuk untuk ketue rumbungan, jadi tukang sampaikah pidato kapuh. kebetulan, anak tetangenye ini nikah di pulau jawe ye paling ujung. “luk ape kabah sangup nide ngantatkah pengantin ini,” merin nanye pak beluk. “yak sanggup, aman kite nolak kalu endik lemak,” jawab pak beluk. singkat cerite pegilah due sekawani dengan rombongan. sehari semalam dalam mobil sampai ke tujuan. sampai di badah pengantin, rombongan ini  diajungkah makan. semegi care jeme dusun juge. “malah makan kite, lah lapagh nian aku,” kate pak beluk. waktu makan pak beluk, langsung gambik sambal dengan guring ayam. waktu nggigit ayam ye besambal, pak beluk nginak ke merin. “yak ngape sambal ghase manis ini,” dalam ati pak beluk. “kabah makan tadi, manis ape pedas sambal tadi,” tanye pak beluk. “yak manis campur pedas,” jawab merin. “ngape pule,” tanye merin. “perasean aku, sambal tadi manis,” jawab pak beluk. “pagi dalak kudai gulai agak pedas,” kate pak beluk. “yak lukmane pule kite nak makan sesuai selire, kite ngikut jeme,” jawab merin. “madak nian ce, sambal ghase senuk di sini. llah beghat aku ce, teghase kah deman dide makan pedas ini,” keluh pak beluk. “udim dediamlah, apa ajung jeme ngikut saje, amanlah lame tebiase kele. ape agi ye galak kabah kinai itu secacuan kele,” tegas merin sambil cecengis tetawa. (**)

Tag

Share

• 
• 
• 
• 
•