Kantin Musingkah
Pak Beluk--
"Yak keruan benagh nga aku. Bangse kaba ni jarang ngeluar malam. Mangke malam ini kaba ke sini," kate Ujang menyampaikan statementnye.
"Gegara ape pule kaba bebalah tu bapang Yung," tanye Merin.
"Tadi aku minta die gulai daging. Soalnye lah beberape hari ni maju gulai teghung nga nangke. Sate dengar kekendakan ku tu laju merepet Endung Yung bejijih," cerite Pak Beluk.
"Beghape kamu enjuk die duit belanje," tanye Ujang.
"Waktu ke pekan kemaghi ku enjuk Rp 200 ribu jatah belanje seminggu," kate Pak Beluk.
"Yak. Keruan suhang nga kaba bangse peregean ni dang mahal gale. Ndak kene jijih nian kaba amu luk itu," jawab Merin sambil tetawe.
"Awu nian pule Rin. Pak Beluk ni die ye ndik berupuk. Amu ngenjuk belanje dikit tu, jangan banyak pintakan," Ujang Kericup ikut menanggapi tetawe pule.
Mendengar pendapat kekanceannye Pak Beluk cume diam dan mukenye nambah masam. Kenan mendam saje, dalam atinye “Kekantin ini ukan mbela aku, tapi musingkah pale saje”.
- Tag
- Share
-
-
