Nunggu Deghian
Pak Beluk--
Berhubung musim deghian, ceritenye kawan Yung Pantit banyak temalam ke ghumah. Kawan Yung ni banyak macamnye betine ade lanang ade, lanang anye nyerupei betine juge ade.
Jadi siang Minggu tu rombongan lah siap-siap ndak naik gunung alias kebun.
Berhubung kawan Yung Pantit ni yang nyerupei betine alias bencong ndik pernah ke kebun, jadi agak kekamahan nginak jalan becek alias luyak. Jadi nginak jalan luyak ni tadi nanyelah kawan Yung.
"Berape lame agi mangke sampai ke batang durian?" tanye Tessy.
"Kuday gaes jerang agi, ndik nyampai 10 menit, ngape gaes?" jawab Yung Pantit.
"Yak agi lame juge pegal gale keting ku ni, men becek pule," jawab Tessy.
Diam Yung Pantit ni, sambil ngicik dalam ati ndik ape nian ndak ngikut amen banyaklah cucuk benenye.
Jadi singkat cerite lah dikit agi sampai pondok, malangnye kawan yang bencong alias Tessy ni tadi hinggapi pacat mulailah tecias salah alias ngengelentik.
"Iiiii ape ini Yung Pantiitt, capak’i kuday," Tessy melentik ngicik sambil ketakutan
- Tag
- Share
-
-
