Minum Urin

Belum lame ini, Pak Beluk diundang dalam acara bakar-bakar di rumahnye Ujang. Dilokasi ade Merin dengan rombongan lainnya. Malam ini Merin endak balas dendam dengan Pak Beluk. Karena dulu, Pak Beluk ngerjei Merin, kopi campur bacih.

Singkat ceritenye, acara bakar-bakar lah selesai kini tinggal acara ngobrol - ngobrolnye agi. 

"Sesiape ngupi, ngeteh sesiape," tanye Merin.

"Biarlah tian dapur saje masak, duduklah kaba sini," jawab Ujang Kricup.

"Yelah, lemak nyampaikannye dengan jeme dapur tu, berape urang ngupi dengan ngeteh ini," kate Merin.

"Aku teh hangat," jawab Pak Beluk 

"Ngupi 5 urang teh cume Pak Beluk ," jawab Ujang.

Disini Merin ngicik dengan urang dapur minta masakan kopi saje. Sedangkan teh pesanan Pak Beluk disini Merin pakai air urinnye, terus dicampur dengan teh dengan gule. Singkat ceritenye, teh dengan kopi lah jadi, waktu Pak Beluk teminum teh. Rasenye hambar dengan agak pesing.

"Aiiii, ngape luk ini rase teh ini a, agak kelat dengan hancing ini," kate Pak Beluk.

"Aw mustahil batu," jawab Ujang.

"Na embauilah," jejukan Pak Beluk

"Ai ae adak, siape masak teh ini tadi," tanye Ujang dengan Merin.

"Urang dapur ce, kalu lum basuhinye mangkuk tu," kate Merin.

Karena penasaran Ujang Kricup nanye dengan tukang kopi. Tapi jawaban tukang kopi nye dide masak teh.