Tekicuh Gale

MASUK bulan puase 1446 H, Pak Beluk ziarah ke makam bapang nya.

Sedangkan Merin, masuk Ramadan dapat orderan buati makam yang ada lokasi makam bapang Pak Beluk.

“Yung kabah anak ngikut bapang nide,” tanye Pak Beluk.

“Kemane pule,” jawab Yung.

“Kite ziarah badah datuk kabah,” jawab Pak Beluk.

“Yak aku dengan endung udim, Jumat kemaghi ke situ kami,” jawab Yung.

“O...luk itu, sukurlah, aku ke makam datuk kabah kudai aman luk itu,” Pak Beluk pegi.

Sampai makam, empai nak masuk makan, pak Beluk nyebut salam.

“Assalamualikum ya ahli kubur,” kate Pak Beluk.

Merin sedang besihkan makan yang udim dikeramik nganing salam Pak Beluk “Waalaikumsalam, ya pengujung”.

Dengah ada yang jawab, wujud jeme nide ada, noleh ke kiri, ke kanan nide ada jeme, langsung pergi Pak Beluk, pasti iblis  dalam ati pak Beluk.

Sedangkan Merin udim jawab salam, tegak nginak ke kiri dan sekeliling nide dia jeme, siape nyebut salam tadi, langsung nginak jam lah petang balik lah keluar sitan penunggu makam ini juge langsung balik.

Abis makan petang, Merin beghusik ke humah Pak Beluk, becerite ke pak Beluk, dengan cerite Merin, Pak Beluk juge memuni hal yang same.

“Yak bukan kabah ke makan tadi jawab salam ku di makan tadi,” tanye Merin.