Janji Betemu Cewek

Reporter: Rega Jusa |

Editor: Daspan Haryadi |

Kamis , 26 Dec 2024 - 16:54

Pak Beluk--

janji betemu cewek                            merin dengan ujang kericup ngerejei pak beluk lewat whatsapp. raban bedue ini nge-chat pak beluk ngaku seolah-olah betine. merin ngaku sukma, ujang kericup ngaku melati. 
"assalamualaikum, yelah ini nomor kakang pak beluk," pesan merin ke pak beluk.
"wa’alaikumsalam, betul. dengan siape ini, ade yang pacak dibantu," jawab pak beluk.
"aku sukma, cuma endak kenalan saje. soalnya aku ini pernah nginak kakang," uji merin.
belum lame endai itu, ujang kericup juge nge-chat pak beluk.
"ini kakang pak beluk ye rumahnye depan lapangan bola itu, awu," tanye ujang kericup ke pak beluk.
"awu betul, dengan sape ini?" tanye pak beluk.
"aku melati, aku ngefans dengan kakang, cume endak foto besame saje kalu betemu," jawab ujang kericup.
singkat cerita, pak beluk dengan sukma dan melati ini lah dekat. bahkan sesekali lah setelponan. care merin dengan ujang kericup biar dide ketahuan. kalu pak beluk nelpon itu tutup hidup ngicik dengan nada halus, seolah-olah itu betine aseli. ade satu mase, pak beluk ini ngajak melati dengan sukma itu ketemu tapi dengan hari bebide. karena pak beluk ini penasaran, status sukma dengan melati ini sesuai dengan kriteria ceweknya. 
"dek, kebile kite pacak betemu? kite lah lame chat-an tapi lum saling kenal," kate pak beluk ngirim pesan ke melati ngan sukma sekaligus.
"kebile kakang pacak," balas sukma alias merin.
"hari ini, dek," balas pak beluk 
"jadi kang," balas sukma.
"kebile abang pacak," balas melati alias ujang kericup.
"pagi dek, luk mane?" tanye pak beluk balik.
"kalu memang kakang pak beluk dide sibuk jadi," balas melati alis ujang kericup ini.
singkat cerita akhirnya betemu pak beluk dengan sukma alias merin ini di cafe meja nomor 3. waktu pak beluk sampai posisi kursi nomor 3 itu lah diduduki merin.
"ui ce, tuape lukak di sini?" tanye pak beluk dengan merin ini
"aku endak betemu dengan orang ce," balas merin alias sukma ini.
"dengan sape?" tanye pak beluk penasaran.
"ade nian, kaba ape gawih sini, aku juge endak betemu dengan cewe. katenye di meja nomor 3 ini ce," balas pak beluk.
merin dengar kate pak beluk ini, langsung dide ketahanan agi ketawe. 
"ngape kaba ketawe ce?" tanye pak beluk.
"ngape kaba endak betemu dengan sukma awu ce?" tanye merin sambil nyengil.
"nah luk mane sangkan kaba tahu ini?" kate pak beluk.
"aku die sukma itu kaba," kate merin sambil ketawe.
"ai cacam tegalau kaba ni, nipui aku selame ini," kutuk pak beluk.*

Tag

Share

Koran Terkait

Kembali ke koran edisi Radar Kaur, Jumat 27 Desember 2024

Berita Terkini

Berita Terpopuler

Berita Pilihan