Beda Pendapat

Reporter: Bahman Hadi |

Editor: Dedi Julizar |

Selasa , 15 Oct 2024 - 18:20

Pak Beluk--

beda pendapat                            belum lame ini pak beluk bebalah dengan paman yung pantit, sape lagi kalu bukan kancennye akrab mamang merin. ribut kecik lah biase saje lah jadi ulam makan bedueni. anye biasenye pak beluk kalah terus amen urusan selicikan. tapi kali ini nampaknye pak beluk menang kudai jak merin.
“merin, banyak nihan kini jeme nginaki aku kalau lagi beghusik di badah jeme jamuan,” uji pak beluk
“biase itu pak beluk, jeme tu saling kinaki nian. dide mungkin mejam saje, amen mejam tiduk berarti,” timbal merin
“bukan itu merin, lain nihan inaannye jemeni. ape lagi jande sambil nginak sambil bekedip,” jawab pak beluk
“au pak beluk, amen nginak sambil bekedip mate, amen nginak saje de bekedip kalu sakit mate jeme banyak in. bukan jeme nginak tu ndak galak dengan kabah, ape lagi jande,” tegas merin
“lain nihan merin, mungkin jeme ni nginak aku kulit hitam ni,” puji pak beluk
“oooo mentang mu hitam jadi jeme tu heran, jak dimane pak beluk tu,” uji merin
“aku juge galak dikinak jeme banyakni, kulit akuni putih,” uji merin
“masih lemak kulit hitam jak putih merin,” timbal pak beluk
“dide, lemak putih, kinailah artis banyak itu luk umbut,” jawab merin agi
“de, lemak kulit hitam, walau hitam di pucuk meja. bukan putih di ilir aik,” uji pak beluk
“ape maksudmu pak beluk ngicik itu,” timbal merin sambil betegak
“biase saje merin, amen hitam di atas meja, aik kupi namenye. amen putih tu di ilir aik tu, empas niur namenye,” uji pak beluk.
“pacak nian kabah pak beluk. lemak nian hitam mangke de kinaan aghi malam tambah bulan keleman pule,” timbal merin purik.
“itulah kabah, itam tu pasti menarik ce. kinaklah jeme barat tu yang datang ke indonesia ini, bejemur aghi. ukan die tu bigal, ndalak kulit hitam,” kate pak beluk pd.
agak panas merin, kenan ngegas kali ini “bigal kabah ini, jeme itu dide ade matahari di daerah die. warna kulit putih itu ye dalak jeme, buktinnye banyak ranggian untuk kecantikan untuk mutihkah kulit ye itam. jadi kabah itu salah pergahasean, mendamlah saje kabah. kalau masih nyahut tanjarkah dengan kayu ni kele”. 
nginak merin manas, pak beluk dide buntu akal “gasaklah nian, paling kabah tetanci kele. kabah tu buyan, gegara beda pendapat ngangat. nyumput ke kebun supaye dide bekantin, lemak dide beda pendapat”.

Tag

Share

Koran Terkait

Kembali ke koran edisi Radar Kaur, Rabu 16 Oktober 2024

Berita Terkini

Berita Terpopuler

Berita Pilihan