Melitaki Gawi
Pak Beluk--
NDUNG YUNG PANTIT belum lame ini ke ghumah sakit, kah berobat.
Karene bini Pak Beluk kene penyakit bengkak di tangan.
Sebelum ke ghumah sakit, Ndung Yung pegi ke Puskesmas kudai.
Dokter di Puskesmas nganjurkah ke ghumah sakit.
“Ibuk harus ke ghumah sakit untuk mengecek bengkak di tangan ibuk. Karena di rumah sakit alatnya lengkap,” kate Dokter.
“O mbak itu dok, au udim aman luk itu pagi aku ke ghumah sakit,” kate ndung Yung.
Pagi nye Mak Beluk langsung ke ghumah sakit nian.
Sampai ghumah sakit ndung Yung langsung ke ruang pendaftaran.
“Selamat pagi buk, apa yang bisa di bantu,” kate pelayan.
“Ini kemaghi aku ke Puskesmas, kate jeme Puskesmas ngajung ke sini,” kate Mak Beluk.
“Iya buk, ada surat rujukannya,” tenye pelayan.
“Yak lukmane jeme rumah sakit ini, bukan nak cerai akuni, anak berobat,” dalam ati Mak Beluk.
“Yak dok, akuni nak berobat ke sini, nanyekan surat rujuk, lum cerai aku ini masih ada laki,” jawab Mak Beluk.
“Buk bukan surat rujuk, tapi surat rujukan atau pengantar jak Puskesmas kalau ibu sudah diperiksa di Puskesmas,” jawab pelayan.
- Tag
- Share
-
-
