Telalu PD

Reporter: Bahman Hadi |

Editor: Dedi Julizar |

Senin , 29 Jul 2024 - 20:43

Pak Beluk--

telalu pd                            belum lame ini pak beluk pakai jam tangan, tanpaknye keren nian. semingge yang belubang idung dikicikannye gale. jamnye kelap kelip model warna pelangi. ceki hargenye mahal kate pak beluk dalam ati, jam merk kasio atau kasih orang. 
singkat ceritenye pak beluk temui kancenye yang meningkan palak tapi lemak pinjam tancinye.
“merin, aku kini paki jam alap. mereknye kasio biaselah kasi orang,” uji pak beluk
“mantap nihan jam mu pak beluk, pacak minjam cak seminggu,” uji merin
“jangan merin, aku sayang nian dengan jam pengenjuk kawan mpai balik jak merantau kebun kopi ni,” timbal pak beluk agi.
“cube aku pakainye kudai pak beluk. jam tu cocok untuk yung pantit,” uji merin
“nah, merin tapi jangan lame,” uji pak beluk
“mantap nihan pak beluk, kalu model ini ceki banyak yang galak dengan akuni,” uji merin
“udim merin aku pakai lagi jam alapni,” pinta pak beluk agi.
“aku pamit kudai merin, ndak mibarkan jam alap ni,” jawab pak beluk.
belum lame tu pak beluk ketemu dengan anaknye yung pantit. ukan main riangnye yung pantit nginak jam bapangnye.
“aku saje bapang pakai jam belampu banyak tu,” uji yung pantit.
”jangan yung, kabah masih kecik, belum cukup umur pakai jam mahal ni,” timbal pak beluk.
“de bapang, jam model bapang ni, jam budak kecik bukan jam mahal. banyak kawan yung pakainye,” uji yung pantit
“pacak nihan kaba yung akal ndak jam alap ni,” timbal pak beluk agi.
belum lame sampai kancanye merin dengan kance pak beluk balik jak merantau tadi.
“ngape mu pakai pak beluk jam belampu tu. aku tu batan yung pantit. jam budak kecik itu. hargenye jugo 10 ribuan,” uji kancenye tadi.
“ai cacam maluan aku amen iluk ini, ngape kene kulah manjang,” uji pak beluk. 
“bukan kene kulah pak beluk. kabah dide galak betanye agi, makenye kene pula. jam abang tu batan budak, untuk yung pantit. kinak pule banyak lampu kelap kelip. kabah tu salah badah, telalu pd,” jawab merin sambil tetawe dengan kancenye.

Tag

Share

Koran Terkait

Kembali ke koran edisi Radar Kaur, Selasa 30 Juli 2024

Berita Terkini

Berita Terpopuler

Berita Pilihan