Kene Akal

Reporter: Bahman Hadi |

Editor: Dedi Julizar |

Minggu , 14 Jul 2024 - 21:13

Pak Beluk--

kene akal                            belum lame ini pak beluk tampil bebesakan dengan tetanggenye baru. tiap akap pak beluk nguntalkah kaleng kaleng susu di samping ghumah. sebab
pak beluk dengan tetanggenye sedang dide akur. jadi saling segeki kate jeme mbak ini. awalye ini teetanggenye tiap akap duduk muke duaghe dengan kupi segelas besak, rukuk bungkus sebesak telapak, surya 16 nian. 
sedangkan pak beluk anye kupi gelas kecik rukuk juge nye keciak pule. sambil duduk tetangge pak beluk ini bedehem saje waktu ngangkat gelas kupi dan mbukukah rukuk.
bingung pak beluk iluk mane care ngalakannye, mangke die minder dengan pak beluk. mulailah pak beluk bepikir, belum lame datang ke ghumah kancanye merin minta saran.
“lagi pusing ini merin, tetangge sebelah ghumah tu tiap hayu pakai kupi segelas besak rukuk mbak telapak pule,” uji pak beluk
“dide ndak pusingkah pak beluk urusan gitu aja repot,” timbal merin
“jadi iluk mane carenye mangke aku de kalah segek dengan tetangge baru tu,” jawab pak beluk
lah lame juge diam merin sambil bepikir, mulai tebukak pikirannye.
“nah, pak beluk mulai pagi mu beli susu kaleng, isinye mu pindahkan ke badah lain,” saran merin
“terus dimbakmanekah kaleng lah kosong tu merin,” uji pak beluk agi
“tiap akap mu untalkah saje kaleng susu tadi ke bak sampah, mangke tetangge mu salut,” uji merin.
“lasung nian itu merin ndak kucube kudai,” timbal pak beluk
lah seminggu ini pak beluk maju nguntalkah  kaleng susu di muke ghumahnye pas tetanggenye lagi duduk santai. pusing singkenye tetanggenya nginak pak beluk. dalam ati tetanggenye, neman nihan pak beluk minum susu kaleng ini. 
pak beluk lah merase menang, dide kalah segek agi, langsung saje nemui kancenye merin.
“lah seminggu ini merin aku nuruti petunjukmu, singkenye tetangge aku diam saje de bekutik agi die,” uji pak beluk
“au pak beluk, tetanggemu tu kini ragu dan takut pule. die tu jeme nengah juge. pikirannye kini, mu tu stress, jadi itulah die diam saje nginak kelakukanmu,” nasehat merin
“iak kecul carenye itu merin,” timbal pak beluk
“au pak beluk, amen ndak besegek tu, jeme tu bukan dengan kaleng kosong. tapi dengan setum alap warne abang mengkilap, mpai mu bedecit,” timbal merin sambil tetawe libagh. 
dalam ati pak beluk “lah kene akal kecul merin aku ini”.

Tag

Share

Koran Terkait

Kembali ke koran edisi Radar Kaur, Senin 15 Juli 2024

Berita Terkini

Berita Terpopuler

Berita Pilihan