Tetangkap Basah

Reporter: Bahman Hadi |

Editor: Daspan Haryadi |

Jumat , 26 Apr 2024 - 20:21

Pak Beluk--

tetangkap basah                            belum lame ini yung pantit maling buah jambu tetanggenye. carenye die ngambik jambu malam aghi, mangke de tekinak ngan pemiliknye. tetanggenye lah keliling sape galak maling jambuni.
ceritenye, malam tu yung pantit ngambik buah jambu lagi dengan care dinaikinye malam aghi. mpuk pohon jambu lah besak masih pacak die naiknye, maklum jemenye ngingilan. lah lame di atas pohon jambu  sambil makan jambu die mulai kekenyangan.
ngengape ade bujang gadis singgah bawah jambu tu. tape jambu pinggir jalan, ade pule angung-anggung duduk.
ngape pule due bujang gadis itu, duduk di bawah pohon jambutu yang dinaiki yung pantit. mulailah yung pantit nganing ape kerjenye bujang gadis duduk di bawah jambu ni. dalam ati yung pantit, kalu ughang bedue ni lah keruan kenan maling jambuni. mangke duduk nian bawah jambu.
kebetulan pule budak gadis lagi romantis dengan bujang ye berayak ni tadi. dalam ati yung pantit, de kah keruan ughang duetu, nye agi di atas. sinar bulan juge de nampak nihan.
lum lametu,tedengar gadis ni minta duit dengan bujangtu. jawab bujangtu.
“kite serahkan saje dengan yang di atas, amen masalah duit gampang gale. pagi pacak betemu duit tu,” uji bujang tu gombal.
mangketu minta lagi budak gadisni. 
“aku amenlah jadi bibai mu nanti, aku minta rumah alap,” kate gadistu.
dijawab ngan bujang tu. 
“kite serahkan saje dengan yang di atas. dielah ngatur rezeki di dunie,” uji bujang pacak benagh merayu.
terakhir budak gadis ni mintak belika emas. 
“aman saje jangankan 10 gram, sekilo pacak. karene idupni lah diatur gale jodoh, rezeki, maut ade di tangan yang di atas gale tanpa terkecuali,” uji bujang ni.
yung pantit di atas jambu marah dengar kate bujang ni.
“ngape pule diserahkan gale di atas. ndik aku ndak ngabulkan kekendaan kamu dueni. jak tadi aku dengar serahkan gale dengan aku lagi di atas jambuni. ngguk aku. aku gi kecik pule,” kate yung pantit sambil turun.
akhirnye yang maling jambu ni tetangkap juge dengan anak gadis yang punye pohon jambu. udim tu yung pantit minta maaf ngan ye punye jambu.

Tag

Share

Koran Terkait

Kembali ke koran edisi Radar Kaur, Sabtu 27 April 2024

Berita Terkini

Berita Terpopuler

Berita Pilihan