Untung Tapi Rugi

Reporter: Fenty Purnama Sari |

Editor: Daspan Hy |

Selasa , 30 Jan 2024 - 20:14

Pak Beluk--

untung tapi rugi                              kemaghi pak beluk ni ngajak merin makan mie ayam ye damping ghumah, tapi merin betingkat model sedut, alasan ndik beduit.
"malah kite makan mie ayam, aku tu selire nian makan mie ayam tu," ajak pak beluk.
"kabah ye ndak traktir aku makan ni," kate merin.
"kalu untuk traktir kabah ndik cukup duitku, cukup untuk aku sughang," kate pak beluk.
"mintalah kudai ngah ndung yung tu mangke kabah pacak traktir aku," kate pak beluk.
singkat cerita numpanglah pak beluk ni duit ngah ndung yung, tapi ndik dinjuk. akhirnye lah lame mikir, merin ni selire juge beli mie ayam pakai duitnye sendiri.
"jadilah ye kite beli murah saje, ndik beduit akuni," ajak merin.
"au malah," pak beluk setuju.
baca juga:resmi! pp kenaikan gaji pns dan pppk terbit, simak rinciannya tiap golongan
akhirnye pak beluk ngah merin ni mesan mie ayam paling murah dan es kosong. di tengah-tengah makan mie ayam, ade betine ye ngelirik merin terus dan akhirnye ngajak merin kenalan.
"ndik pacak ngobrol agi jeme gawi betine ini nanye terus," kate merin.
"au nian, jawabi lah asal-asalan ndik nian ndak jujur benagh," kate pak beluk.
akhirnye betine ini lah selesai makan, die ni ngicik ngah merin kele die saje ye mbayari makanan pak beluk ngah merin ni. tapi die nanye di mana badah ghumah merin, akhirnye ditunjukkan merin asal-asalan.
"cie ditaksir tante-tante," kate pak beluk ngeledek merin.
"jadilah atu ye penting makan gratis ndik keluar duit, tapi sayang ye kite ni tadi mesan paket hemat minumnye cuma es kosong," kate merin.
akhirnye pak beluk ngah merin ni lah selesai makan. karne masih kekenyangan, pak beluk ngah merin ni masih ngobrol di tempat mie ayam. tibe-tibe ade calon dewan sampai makan mie ayam pule ngah kawannye. calon dewan ni negur pak beluk ngah merin, akhirnye die ngicik biarlah aku saje yang bayari makan kabah bedue ni.
"lah adu dibayari makan kami ni tadi dang," kate merin.
dibalas senyum dan dijawab oke kalu lukitu kate calon dewan. sambil bejalan balik, gemimul lah merin dengan pak beluk ni.
"bulih diganti mentah ye saje jeme tu," kate pak beluk
"au nian, ndik dikasih ndung yung tapi ye kite dapat due jeme ndak traktir kite makan, sayangnye kite ni ngambil paket hemat, ngape nian kite mesan tadi ye biase dan cuma mesan es kosong, jeme tu es jeruk atau es teh," merin kesal.
"au nian, beruntung nian kite hari ini tapi rugi karne beli ye murah-murah," jawab pak beluk.
"untung tapi rugilah ye namenye tu," sahut merin.

Tag

Share

Koran Terkait

Kembali ke koran edisi Radar Kaur, Rabu 31 Januari 2024

Berita Terkini

Berita Terpopuler

Berita Pilihan