Nukar Sendal

Reporter: Admin |

Editor: Admin |

Rabu , 15 Nov 2023 - 20:01

Pak Beluk--

nukar sendal                            ndik biasenye pak beluk ni nanyekah merin salat jumat ape ndik, padahal die ni lah tahu kalu merin ni rajin salat jumat.
"kabah kele salat jumat ndik?" pak beluk mulai nanyei merin.
"ndik pakai ditanye kalu akuni, pasti salat terus. ndik luk kabah," jawab merin.
"nduk ngape pule aku, ndik bulih luk itu au. aku salat jumat kemaghi sebenarnye niat bagus, tapi khilaf jadinye teambik sendal jeme tu," kate pak beluk, cecengih.
"ah dasar, pacak nian kabah ni. kalu ndak salat jumat kele bareng saje," ajak merin.
"aiiiii sedut aku, kalu ndik rami jeme salat kele," jawab pak beluk.
"nduk kabah, lemaklah ndik rami lemak kite salatnye lega," jawab merin.
"au dululah kabah, kalu selire kele aku salat," kate pak beluk.
singkat cerite merin ni lah ndak sampai masjid, nah malah pak beluk ni muncul.
"naahhh salat kabah, ku kire tadi ndik nian ndak salat agi karne lah dapat sendal kemaghi," kate merin sambil ngejek pak beluk karne jumat kemaghi pak beluk maling sendal.
"ah kabah ni, aku kan juge niat ndak salat jumat," kate pak beluk.
"tapi kabah ni ndak salat nian ape ndak maling sendal agi?" tanye merin.
"salat lah, alap niatku ni," jawab pak beluk.
"tapi ngape sendal sutik tu ditenteng?" tanye merin.
"hehehe ndak nukarkah sendal jumat kemaghi, ternyate kekecik’an, ndak nyari yang agak besak dikit mangke muat," jawab pak beluk, luk ndik beduse.
"hadeehhhhhhhh," kate merin sambil ngehela nafas panjang.(fps)

Tag

# pak beluk ni nanyekah merin salat jumat.

Share

Koran Terkait

Kembali ke koran edisi Radar Kaur, Kamis 16 November 2023

Berita Terkini

Berita Terpopuler

Berita Pilihan