Nurai Bapang

Reporter: Bahman Hadi |

Editor: Dedi Julizar |

Minggu , 01 Jun 2025 - 19:25

Pak Beluk--

nurai bapang                             belum lame ini yung pantit ngambik rambutan pamannye, merin. lah  lame di atas batang rambutan, ade jeme lagi santingan. jemenye amen ngicik segale kician diserahkan gale di pucuk, temasuk duse dan urusan duit kapuh. 
"paman, minta buah rambutan cak due buah," uji yung pantit.
"jangan kudai yung, buah rambutan belum masak nihan. lagi pule masam," jawab merin.
"mase paman, kinak ku lah banyak abang. kalu lah masak abang jiku paman," kate yung pantit.
"mase yung, paman ni de kinaan nihan. tinggi pule buahnye tu yung," timbal merin.
"au paman lah masak gale buah rambutantu," timbal yung agi.
"jangan kudai yung lain kali saje, pacak paman ngambiknye mangke pacak dibagi," uji merin agi.
dalam ati yung “ malam kele aku gasak nye lah abang tu. mase de ndak ngenjuk”.
pas malam yung jadi kelambit, dibabitnye rambutan masak. sambil bemakan dipucuk. dalam ati yung “ lemak setini paman”.
belum lame ade sepasang  nampaknye jeme lagi santingan. ngape pule becumbu nihan di bawah rambutan.
iak dalam ati yung “dapat due rezekini. sambil makan rambutan sambil ngibang jeme pule”.
lah lame yung dengar cerite duetu, diserahkan gale ke atas.
amen de betanci diserah ke atas. amen de tebeli baju alap diserahkah ke atas pule. 
“ngape ini ape jeme tu tahu aku di puck rambutan ini,” dalam ati yung.
lasung saje yung turun, ngape diserahkah ke atas mentanglah aku ngambik buah rambutan. belum lame paman yung ke luar rumah. 
"kaba yung ngambik rambutan. lah neman lengit rambutani yung, same saje kerje kabahni yung, yung. nurai bapang nian kabah ni," kate merin.
"mpai inilah paman ngecapnye, kate paman masam kirenye manis gale. terime kasih paman yung ndak balik," timbal yung sambil belaghi matak rambutan sekarung keciak.

Tag

Share

Koran Terkait

Kembali ke koran edisi Radar Kaur, Senin 2 Juni 2025

Berita Terkini

Berita Terpopuler

Berita Pilihan