Njual Kambing

Reporter: Rohidi Effendi |

Editor: Daspan Haryadi |

Selasa , 13 May 2025 - 19:40

Pak Beluk--

njual kambing                            lah seminggu ini pak beluk maju bejajuk ndak njualkah kambing ingunan die selame ini.
anye, kambing tu lum laku karena harge lum sesuai dengan kekendakan pak beluk.
sementare, jeme ye nawar ndak kambing juge lah banyak. anye lum juge sesuai dengan kekendakan pak beluk.
singkat cerite pas petang aghi, yung pantit ngicik dengan bapangnye pak beluk bahwe ade ye nawar kambing tu.
"luk ape kambing ni bak? tadi ade jeme nawarnye 800 ribu, enjukkah dide titu?" tanye yung pantit.
"kan lah aku kicikkah ngan kaba aghian tu yung. kambing ni lum kah aku jual amun regenye lum sampa jutaan," timbal pak beluk.
"ui udim gila amun luk itu bak, lemak amun ade jeme betanye agi pacak aku kicikka," timbal yung agi.
singkat cerite agi, pas paginye ade nian jeme nawar kambing pak beluk tu.
kebetulan jeme ye nawar kambing pak beluk ni ngicik setengah juta. jadi karne ade juta jutanye kambing tu langsung jualkannye ngan yung.
pas petangnye, pak beluk lah riang nian karena kambing ye di tambangnye depan rumah lah ndik bedie agi.
pikir pak beluk, lah pasti lah dijualkah kambing tu. udim tu pasti regenye lah sesuai dengan kekendakan die.
"luk ape kambing, lah laku nian yung. kinakku ndik bedie agi di tambangan," tanye pak beluk.
"awu lah dibeli jeme tadi bak," timbal yung semangat.
"berape lasungnye jeme mbelinye tadi yung," pak beluk betanye agi.
"tadi jeme tu nawar setengah juta bak. makenye aku langsung jualkah," kate yung jujur nian.
"ndokkkk, kah bange kaba ni yung," pak beluk langsung marah.
"yak kate kamu harus juta jutaan nian. itu tu tape agi amun bukan jutaan. kan jeme tawar setengah juta," yung masih nimbal.
"ui yung, setengah juta tu gi lima ratus ribu, iluaklah 800 ribu kemaghi amau keruan luk ini. ai bange ai. lah rugi besak aku," uji pak beluk sambil napuk kening.

Tag

Share

Koran Terkait

Kembali ke koran edisi Radar Kaur, Rabu 14 Mei 2025

Berita Terkini

Berita Terpopuler

Berita Pilihan