Supaye Sendauk

Reporter: Rohidi Effendi |

Editor: Dedi Julizar |

Rabu , 23 Apr 2025 - 19:50

Pak Beluk--

supaye sendauk                             kemaghi yung pantit anak pak beluk telambat datang ke sekul. pas masuk kelas, yung langsung diajung betegak di depan kelas.
guru yang marah, langsung betanye dengan yung ngape sangkan kenan pacak sampai telambat ke sekul.
"lah telambat agi kaba ni yung. cube kaba jelaskan kudai ngape sangkan kaba telambat saghi ni," tanye guru.
"aku tadi bangun agak siang buk. sebab, ndik bedie agi ye pacak mbangunkan aku," timbal yung jujur.
"memangnye emak kaba ke mane," tanye guru heran.
"emak di rumah sakit buk," jawab yung.
"mangke bapang kaba ke mane," tanye guru agi.
"bapak di kantor polisi buk," timbal yung agi.
"nah, ngape empai ngicik kaba yung, amun luk itu lum pule ndak sekul kaba yung," guru kasihan dengan yung.
"terima kasih buk," uji yung luk adak.
"kudai, lah berape lame emak masuk rumah sakit yung. udim tu sakit ape," guru masih penasaran.
"lah seminggu ni buk. emak ndik sakit, anye die mbak ini jadi tukang bersih-bersih di rumah sakit," yung njelaska.
"nah, mangke ngape bapang kaba di kantor polisi, kene kasus ape pule," tanye guru agi.
"bak dide kene kasus. die mbak ini juga tukang sapu di kantor polisi," kate yung njelaska panjang libagh.
"yak, amun luk itu dide ke seaghi semalam bapak ngan emak kaba tu kerje yung. dasar kaba nian ye malas. ude betegaklah kaba di bawah tiang bendera tu sampai jam balik kele. kabah tu lah belajar ngakali aku supaye sendauk," kate guru rengam. *

Tag

Share

Koran Terkait

Kembali ke koran edisi Radar Kaur, Kamis 24 April 2025

Berita Terkini

Berita Terpopuler

Berita Pilihan