Itam Kuku

Reporter: Hery Kurniawan |

Editor: Daspan Haryadi |

Minggu , 29 Sep 2024 - 20:44

Pak Beluk--

itam kuku                            malam minggu ini, saat pak beluk dang asik nongkrong di gaghang depan ghumah. die tekinak merin lalu. 
nampaknye, merin ini kah berangkat ngerayain malam minggu. 
"oii. ndak kemane kaba rin. sini kudai," teriak pak beluk manggil merin. 
"ndak ngerayau, mang. mungkin nak karokean saje bada ye mpai buka tu," jelas merin. 
"mamang ngikut. kele mamang tolongi bayar room," kate pak beluk. 
"ude melah amu luk itu," kate merin. 
singkat cerite rombongan ni sampai di bada karokean. 
karne mpai udem gajian. merin nyiwe 2 orang pemandu lagu ye kebetulan primadona di tempat itu. 
"nak lagu ape agi, mang. giliran kamu agi ye benyanyi," kate merin. 
"lagu biase tulah. anye minta tolong nga adik 2 ni (pemandu lagu, red) belikah makan nga minum kudai," kate pak beluk. 
setelah pemandu lagu pegi pak beluk nyicik nga  merin, "yak jangan pantau mamang amu di sini, yung. maluan aku. nampak nian tue".
"laju pantau ape mang. pantau oom," tanye merin. 
"pantau kakak saje. mangke bang mude dikit," uji pak beluk. 
"nduk kalu itam kuku mang amu ngubah benagh tutur luk itu. dide galak aku," protes merin. 
"ngulahe yung. sekali ini saje," pintak pak beluk. 
"maaf beribu maaf mang. belum pacak aku nurut kah kamu kali ini," tegas merin.

Tag

Share

Koran Terkait

Kembali ke koran edisi Radar Kaur, Senin 30 September 2024

Berita Terkini

Berita Terpopuler

Berita Pilihan