Jaring Cete

Reporter: Bahman Hadi |

Editor: Daspan Haryadi |

Jumat , 20 Sep 2024 - 19:49

Pak Beluk--

jaring cete                            belum lame ini pak beluk pasang jaring ikan di aiak besak, sungai belakang rumahnye. biasenye amen musim pengujan banyak ikan ngene. bemacam ikan keciak besak ade gale.
anye saje kali ini pak beluk kecewa dengan kancenye merin. karena jaring ikan die nyangkut pas di tali jemuran pakaian jeme rumah merin. singkat ceritenya.
“musim hujan ni aku ndak mulai lagi pasang jaring ikan merin. mu ikut de?” kate pak beluk.
“lajulah pak beluk, aku de tepikir njaring kini, masih banyak ulahan politik,” timbal merin.
“kini lagi musim hujan biasenye banyak ikan merin. minggu mpaini dapat due kali ngulai ikan ndung yung tu,” uji pak beluk manasi.
“banyak nihan mu dapat pak beluk, amen pasang jaring agi, tolong bagi aku,” timbal merin agi.
“ok merin kalu lah banyak dapat, pasti aku bagi untukmu,” uji pak beluk 
“aku do’akan mu banyak dapat ikan pak beluk, mangke pacak bagi aku batan sambal jadilah,” timbal merin.
mulailah pak beluk pasang jaring. anye kali ini jaring ditemalamkan, mangke tambah banyak dapatnye.
pas jenguak jaring, jangankan dapat ikan besak, ikan kecik, jaring nihan de adenye lagi di sungai. 
“ai cacam mane jaring alap akutu padahal mpai nian beli,” pak beluk bemime sughang.
belum lame pak beluk pegi ke rumah merin. ngape pule pas ke rumah kancenye tu jalan belakang rumah. dikinak pak beluk, jaring dengan ikan lah nyangkut di tali jemuran pakaian jeme rumah merin.
“merin, jaring aku lengit, tadi aku kinak ade di tali jemuran pakain mu,” pak beluk tegaik.
“ngengape pak beluk, aku de njenguk jaringmu, apelagi disangkutkan di tali jemuran,” timbal merin
belum lame betengkar dengan merin, tibe-tibe yung pantit datang kicikan jaring bapang tu lengit bukan paman yang ambik. tapi segerumbulan kerbau bawaknye. 
“kerbau nek lanang nyemberangi sungai tekaitlah di tanduk kerbau jaring tu,” cerite yung pantit.
“nah pak beluk lah jelas itu, bukan manusie njenguk jaringmu, tapi kerbau lah neman pule main jaring,” nasihat merin.
“au minta maaf merin, padek nihan jaring akuni, kerbau lah ndaknye juge,” uji pak beluk
“bukan padek pak beluk, anye tekait di tanduk kerbau pas nyemberang sungai. jaringmu jak tadi aku kinak. sengaje ikan tu de kuambiak, rupenye kerbau nek lanang yung lah bermain pule. lain kali pasang jaring tunggui mangke de diambiak kerbau agi,” nasihat merin agi.

Tag

Share

Koran Terkait

Kembali ke koran edisi Radar Kaur, Sabtu 21 September 2024

Berita Terkini

Berita Terpopuler

Berita Pilihan