Perlu Jejampian
![](https://radarkaur.bacakoran.co/upload/2be9e81bc9139a0d0b8d8d58d8e21728.gif)
Pak Beluk--
BELUM lame ini Pak Beluk lagi pusing mikirkah sepatu kenan lah dide lemak lagi makainya. Sepatu kesayang die warna hitam licin itu, digigit kucing mpai naik menganjak.
Singkat cerite, die ngadu ke ghumah kancenye Merin, biaselah minta petunjuk mangke pacak ganti sepatu tanpa modal.
“Merin aku kini lagi pusing, pusing, pusing nian,” kate Pak Beluk.
“Pusing ape pulemu, gumbak besugu licin, pakai baju alap dengan celane alap pule,” jawab Merin.
“Pusing nihan aku Merin, sepatu alap aku dipeci kucing, digigitinye gale. Semingge kulitnye ye mengkisap pesuk dan cebik,” uji Pak Beluk jelaskah masalahnye.
“Ai,ai,ai sepatu yang galak mu pakai manggung itu,” jawab Merin
“Au Merin, ngape dide pusing aku ni, ape pule batan penggantinye sepatu ni, tanci dide bedie, peci musim angat pule ni,” timbal Pak Beluk.
“Jangan kabah pusing Pak Beluk banyak carenye,” uji Merin.
“Ape pule carenye ndak sepatu tanpa modal ni Merin,” jawab Pak Beluk agi.
“Kini aghi Jumat, mu kinak tadi banyak pejabat singgah ke masjid, nah kite bedue ke masjid. Ceki banyak sepatu pejabat alap tu,” saran Merin
“Maksud mu sembayang, udimtu ganti sepatu kite dengan sepatu pejabat tu,” uji Pak Beluk.
“Au Pak Beluk. Pejabat tu biasenye kalau sepatu diambiknye. Sebab die banyak duit, ade die seseran njak jabatan die itu. Seseran die itu besak, ukan kelas seratus due ratus ribu. Malahan ratusan juta buktinye banyak yang ditangkap gagare pengadaan,” uji Merin.
“Ok Merin kite ke masjid, anye jeme belum bedoa kite langsung balik, mangke pacak ngambik sepatu mamang besak, ganti sepatu alap kite,” timbal Pak Beluk
Mulailah Pak Beluk dengan Merin sembayang Jumat, pas jeme lagi bedoa, mulai kenan ngambiak sepatu alap melinyaran itu.