Kelengitan Kunci

kelengitan kunci lum lame ni pak beluk ngan merin nukuk’i ke kota bengkulu. mbawe jeme rumah gale due sekawan ni. lah banyak rencane njak di dusun ni. ndak ke mall yang pastinye men mak beluk ngah jeme ghumah merin. nyampai di kota ndik langsung ke rumah sanak ye pesta. ughang ni istirahat kudai di ghumah ading pak beluk. malamnye pai pegi ke badah musik. pas aghi jadinye pegi gale rombongan pak beluk ni. anak belai jajunye empuk endik begawih ige. anye duduk di belakang. anye pak beluk diajung nyambut tamu empuk anak belai. tepakse kenan ngendihim duduk di muke. singkat cerite lah udim pesta nikah ni. men mak beluk ngan yung pantit ni lah sibuk ndak ke mall. anye pak beluk ni masih ulu iligh ndik di badah nikahan.  “ui malah bapang yung,” ajak mak beluk ni. “adak kudai, kunci mobil ni tadi endik keruan agi badahnye,” jawab pak beluk. “merin, mane kunci mobil tadi?” tanye pak beluk. “yak, endik ngan aku. kah ku enjukah ngah kaba tadi,” uji merin. “ai...di mane kontak mobil tu? endik bejalan ige aku ni, sekitar sinilah titu,” pak beluk pening sughang. lah diumumkah ngah mc di panggung. lum kina anye dapat. “ui merin, jadilah beragam bange ni,” pak beluk mulai kesal. “endik nian aku. sanggup aku mati men ngan aku,” merin mulai manas pule. kak belikak aghi lah petang. lah ndak jadwal balik dusun pule. men mak beluk ngah yung pantit lah ncerutam saje. ngengape pak beluk ni melepas tuguk, palak kenan gatal. bedepuk saje kontak mobil tadi umban. “adak...di sini kirenye kontak mobil ni tadi,” kate pak beluk maluan sughang. “ai...mengkue-mengkue,” mak beluk tepekik.

Tag

Share

• 
• 
• 
• 
•