Advertisement Google

Dide Betambah Utak

Reporter: Rohidi Effendi |

Editor: Dedi Julizar |

Selasa , 02 Jul 2024 - 20:22

Pak Beluk--

dide betambah utak                            malam kemaghi ndung yung curiga ngan lakinye, pak beluk. sebab, lah tangan malam bute, lakinye tu lum balik njak kerje.
anye, karne ndung yung sedang sibuk nian, jadi kenan ngajung anaknye yung pantit nelpon lakinye tu.
"yung cube kaba telpon kudai bapang kamu tu. aku masih nggosoki baju kamu ni," kate ndung yung.
"awu, ngape pule mak," tanye yung.
"yak, kinaki aghi ni lah tengah malam bute. anye bapang kabah lum kilah balik. cube tanyeka di mane badahnye," kate ndung yung.
ndengar penjelasan ndungnye, yung pantit langsung balik ke kamar ndak nelpon bapangnye.
singkat cerite, pas udim nelpon tu yung langsung melapor ngan ndungnye.
"mak lah udim aku telpon bak tadi," kate yung.
"mangke tape kate die," tanye ndung yung.
"bukan bapang ye ngangkatnye mak," kate yung.
"mangke sape ye njawab telpon tadi," ndung yung tambah curiga.
"entah jeme tine mak, udim ngicik langsung matika die telpon," yung njelaska panjang libagh.
ndengar penjelasan anaknye, ndung yung langsung naik darah.
ndik lame tu, pak beluk balik njak kerje sambil baju lah basah gale.
"njak mane kamu bapang yung, baju lah basah gale. lah merapi selingkuhan," ndung yung langsung ngangat.
"kudai, tape die kamu ni mipir saje ngicik ni," pak beluk bingung.
"odoh kudai kamu banyak ige lagu. jangan nue ndik nue. nginak anak lah besak masih kilah banyak tingkah," ndung yung tambah rengam.
"awulah, kicikka kudai tape masalahnye. njak mane pule kamu keruan mangke kamu nuduh aku selingkuh tu," pak beluk nenangkah bininye.
"tadi, pas yung telpon kamu, anye bukan kamu ye ngangkat. tapi jeme tine ye ngangkat telpon tadi," ndung yung marah sambil maju nangis.
karne penasaran, langsung betanyelah pak beluk dengan yung pantit.
"tape pule kate jeme dalam hp tadi yung," pak beluk betanye dengan yung.
"tadi jeme tu ngicik pulsa anda tidak cukup, silahkan tinggalkan pesan suara. udim tu langsung matika die," yung njelaska panjang libagh.
"nah, kan keruan masalahnye. ukan die selingkuhan, anye operator telpon. itulah mangke diisi pulsa tu. jangan pacak ngeranyam saje," pak beluk marahi bininye.
"ui luk itu titu tadi, sangke ku kamu selingkuh nian tadi," uji ndung yung kelelenyum maluan.
"ai kerenai ai, dide betambah utak kamu dunie maju ni ndung yung," kate pak beluk sambil pegi ke belakang ndak mandi.

Tag

Share

Koran Terkait

Kembali ke koran edisi Radar Kaur, Rabu 3 Juli 2024

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan