Minjam Celane

Reporter: Etika Larasati Kontesa |

Editor: Dedi Julizar |

Rabu , 07 Feb 2024 - 19:35

Pak Beluk--

minjam celane                            gawi kumuh ulah merin. ceritenye pak beluk ngah merin ni kah betandang ke ghumah kancenye.  pak beluk ngah merin ni niat nian ndak ke ghumah kancenye tadi. nyewa nian mobil. 
cacaknye sambil ndak gegayahan tadi nyewa nian ye kate jeme alap tu, mobil fortuner adek kelasnye pajero.
yang nyupir pertama pak beluk kudai. mangke pai baliknye merin.
"malah kite berangkat merin lah tinggi aghi ni. tunggangan mobil kite alap benagh ni, puk ulehan nyewa begaya kudai jadilah," kate pak beluk ngicik ngah merin.
"ay au jelah nian titu mang setuju aku. sepaham nian kite due ni," timbal merin.
singkat cerite lah banyak obrolan tibe-tibe merin ni ndak buang angin.
"mang berenti kudai," kate merin ni tadi.
"ngape ngajung berenti merin?" pak beluk penasaran.
"anu mang, aku ndak buang angin takut busuk ame dik berenti," merin ngicik ngah pak beluk.
"ngape ndak berenti nian, ame cuman ndak buang angin lantak lah di situlah gi kite due ye ngembaunye," sambung pak beluk.
"aku ni lah ndak tekeluagh nian mang, di mane badah wc," kate merin pai ndak becakagh wc.
"nduk gi jauh tini merin ngah wc. dikbedie sini ame masih tetahan, tahan kah kudai," kate pak beluk.
"au ame luk itu mang, kebut dikit anye au dik nian tetahan agi," timbal merin.
lah sampai di masjid dik nian tetahan agi gawih merin belaghi singgenye luk dikejar jeme gile.
jelah tu sampai merin ni tadi, sambil jejengik maluan ngah pak beluk. 
"ngape pule cecengis-cecengis tenga aghi kuning ni," kate pak beluk ngicik ngah merin.
"gawi kumuh tini mang. sare ige ame luk ini kampuh tebenarai dalam celane tulah, celane dalam ku singgenye lah ku pik kah di wc tulah," kate merin ngicik ngah pak beluk.
"jadinye dik makai ape-ape dengah ni merin," kate pak beluk nanye merin.
"dikde mang, gi celane nilah heee," merin cecengis.
"ayyy ... pakailah kudai celane dalam genti. kalu terbang pule burung tu," lanjut pak beluk kesal. 
“nduk ai...ndik pule teringat bawe celane dalam genti. lukmane minjam kudai ndak kamu mang,” uji merin berasan, cecengih.

Tag

Share

Koran Terkait

Kembali ke koran edisi Radar Kaur, Kamis 8 Februari 2024

Berita Terkini

Berita Terpopuler

Berita Pilihan