Kalah Politik

Reporter: Radar Kaur |

Editor: Radar Kaur |

Sabtu , 23 Dec 2023 - 19:44

Pak Beluk--

kalah politik                            pak beluk sedang santai di berande ghumah, tetibe bininye keluagh nnjak dalam ghumah. dengan muke masam dengan penuh kepurikan bininye betegak di damping pak beluk. tampak ini bakal balak besak, sebab itulah pak beluk lah mulai nginaki pendahian bininye dengan teliti. sebab kalau salah kicik kele bakal perang besak, lebih njak perang di timur tengah.
“ngape kabah bapang yung nginak aku bebeda nian ini. kabah pasti lah ngerase besalah au,” kicik ndung yung pantit mulai bejijih.
sambil lelinyum kenan mulai njawab “aku rase biase saje, aku sekedar tekejut nginak pendahian kabah ngabang”.
sambil agak ngegas ndung yung ngicik “siape dide purik, nginak hp lakinnye sibuk ditelpon betine lain. nngakulah kabah, kalau dide aku bandingkah bende ini kele”.
“oiii jangan, mahal hp itu. belum lame dibeli, seragi dengan mbeli hp kabah. ape salah hp aku kah dibantingkan,” timbal pak beluk ketakutan.
“ini die, njak akap tapi rang dering nelpon. lah purik nian aku, tiap aku ngicik halo, pasti hp mati. pasti betine itu, ukan lanang,” kate ndung yung mulai makin semangat.
“sesenai saje, cukah kinak kudai. nomor mane die nelpon itu, kele kabah salah agi. kele kene kerja dengan kekantin aku,” kate pak beluk melembut.
“ini die, nomornye. cukah kabah telpon, kinilah aku kah nganing kiciknye. loudspekerkah,” tantang bini pak beluk.
dengan setengah tekejut juge pak beluk. sebab nomor itu memang barang baru dei. tapi dengan pd pak beluk nelpon, masuk langsung diangkat.
supaye dide ketahuan pak beluk langsung ngode dengan lawan ngicknye “oiii kabah, jangan nelpon terus. bini aku curiga, tape kabah tanyekah. kale aku bayari pembiasan kail ye aku behutang tu”.
belum lame njawab njak seberang telpon suare lanang “au mang, aku nelpon itu kalu dighi lupe dengan janji mbayar pembiasan mancing tu”.
nganing ye njawab lanang pak beluk nimbal agi  “au kele aku ke took kabah, aku bayari”.
telpon lansung ditutup lawan ngicik pak beluk. udim tu pak beluk ngicik dengan bininye “itu die jemenye. masih kabah curiga dide”.
“au, aku salah. aku kire bietine de,” sahut ndung yung sambil masuk ghumah.
padahl pak beluk setengah mati cemasnye, dalam ati pak beluk “oiii untung nian bini aku kalah politi ini tadi. kalau dide balak besak akap ini, pacak ade kursi terbang”. (red)

Tag

Share

Koran Terkait

Kembali ke koran edisi Radar Kaur, Minggu 24 Desember 2023

Berita Terkini

Berita Terpopuler

Berita Pilihan