Makan Karedok
Pak Beluk--
Pak Beluk dengan Merin dan keluarga jalan-jalan liburan tahun baru lum lame ni.
Dua bekawan dan keluarga ini, diajak kance Merin yang lah sukses di kota.
“Malam kele kite makan di mane?” kate kance Merin.
“Serahlah, kami mikut saje,” jawab Pak Beluk.
“Ade badah makan yang padek, menunye banyak tinggal mesan kele,” jawab kance Merin.
“Aman luk itu jadi, udim sembanyang megrib kite pegi, siap-siaplah,” kate kance Merin.
Singkat cerite pegilah untuk makan rombongan ni.
“Silakan pesan mau menu yang mana,” kate pelayan di badah makan.
“Enduk banyak rincian makanan ini,” dalam ati Pak Beluk.
“Kabah mesan ape?” Pak Beluk nanye Merin.
“Pesanlah dulu kabah,” jawab Merin.
“Aku mesan karedok, name ini agak aneh lum kan ade kite makannye,” kate Pak Beluk.
“Jangan aneh-eneh mesan, kele endik lemak,” jawab Merin.
“Yang pesan karedok tadi,” tanye pelayan.
- Tag
- Share
-
-
