Tebukak Resie
Pak Beluk--
Pas libur kemaghi Pak Beluk diajak kancenye Merin pegi ke kota besak. Die bedue ni naik travel njak rumah.
Singkat cerite, pas di tengah perjalanan segale penumpang lah kebusukan karne ade embau ye tidak sedap dalam setum.
Anye, ndik bedie ye berani ngicik di dalam setum tu. Awak embau busuk tu persis nian embau jeme buang gas beracun.
Singkat cerite agi, pas lah sampai tujuan masing-masing para penumpang mulai turun satu persatu.
Karne masih penasaran siape ye kentut tadi, Merin langsung ngicik dan betanye ngan para penumpang.
"Pir, ye kentut tadi lum bayar," tanye Merin dengan sopir.
"Nah mase, ye mane pule ye kentut tadi," timbal sopir.
Segale penumpang masih diam gale, anye Pak Beluk langsung betegak.
"Hui kate kaba lum bayar, base aku ni lah mbayar pas ndak naik tadi. Idar jijihan ni," uji Pak Beluk tanpa sadar.
"Nah, berarti kaba nilah ye tekentut empau telegu ni tadi. Ndik nian beutak kaba ni. Tue ndik nue, maluka nian kaba ni," Merin langsung marah.
Ndengar pengakuan Pak Beluk segale penumpang, temasuk sopir langsung ngakak tetawe.
"Anu ce, dide nian tahan agi aku tu tadi. Jadi harap maklum," kate Pak Beluk sambil nggarut palak ndik gatal.
"Tape di maklumi, jeme lah ase kemati nyiumi kentut kaba ni. Ude, melah kite turun," uji Merin.
- Tag
- Share
-
-
