Guru Nian

Belum lame ini Pak Beluk bukan main riangnye. Sejak ndung Yung Pantit terpilih jadi guru dadakan. Apo lagi anak semate wayangnye riang nian. 

Singkat cerite, Pak Beluk anak beghanak tu pegi makan bebuko pause ke rumah kancenye Merin. Disitu juge la ade gale kancenye bekumpul. Guru lame Pak Beluk dengan Merin lah datang pule.

BACA JUGA:KABAR BAIK! Pejabat Pemprov Bengkulu Boleh Mudik Pakai Mobil Dinas, dengan Syarat Ini

Sebelum buke pause, Pak Beluk yang tampil beda dengan kancenye mulai ngota atau kicik besak. Kalu die puaseni jarang makan sahur cuma makan angin saje. Alasannye cuman malas bangun.

Lah ngota panjang libagh, mulai lah Merin nyampaikan dengan rombongan yang hadir buke. Anye sebelum itu, ade bahasan penting.

Bahasannye ni untuk kemajuan di dusun laman nila. Intinye yang hadir buketu harus pacak main handphone (HP). Salah satunye care jawab WhatsApp (WA).

Mulai lah Merin ngambik papan triplek batan ditulis mangke pacak gale. Nah sape pacak jelaskan tentunye lah biase main HP ni. Langsung saje Merin nunjuk ndung Yung Pantit.

BACA JUGA:PNS KAUR FULL SENYUM! TPP Cair, THR Segera Menyusul

BACA JUGA:KABAR BAIK! Pejabat Pemprov Bengkulu Boleh Mudik Pakai Mobil Dinas, dengan Syarat Ini

Mulailah ndung Yung Pantit jadi guru dadakan sebelum buke besame tu. Yung Pantit riang nian nginak nduknye jadi guru dadakan tu.

“Ui mak ku ni belagak nian,” kicik Yung dalam hati anye.

“Jadi care main HP ni kinai nian, jika perlu seaghi tanat sampai mate redup, mpai tiduak,” kata Nduk Yung Pantit jelaskan dengan ye ndak bebuke.

“Iluk mane main HP ame de pakai paket,” timbal Merin

“Rase kite tu belum betanci amen belum ade paket,” uji Pak Beluk.