Duit Sawit

duit sawit belum lame ini pak beluk ditinggalkah ndung yung pantit ke rumah sanaknye. acaranye sanaknye tu lagi beanak keciak. singkat ceritenye ndung yung pantit lah seminggu de balik. pak beluk mulai pening utak. saking peningnye die mulai minta petunjuk dengan merin kancenye. “aku nih lagi pening palak merin,” kate pak beluk. “palak mane yang pening tu, palak atas ape palak bawah,” uji merin. “due-duenye pening gale merin. lah seminggu tanat ndung yung pantit de balik ke rumah,” uji pak beluk agi. “ngape pule de balik, ape marah nihan dengan mu. ape mu jarang balik,” jawab merin. “de, akuni balik saje ke rumah. anye acara ndung yung pantit sanaknye tu lagi lahiran atau beanak keciak,” uji pak beluk agi. “nah, cak padek kerjenye tu, anye mu lah pusing tujuh keliling,” uji merin agi. “iluak ini saje, supayemu depusing agi. peci dangdutan saje. nak di rumahmu pacak, di tempat karaoke di pantai pacak juge,” saran merin. “pacak nihan kawan aku ni ngenjuk masukan. nyelah nihan de salah lagi, de pusing agi, peci karaokean saje. ceki banyak umbut putih,” timbal pak beluk. pas malam tu, langsung saje pak beluk ke pantai warung remang-remang ndak karaokean nurut saran merin. mulai kenan bejoget sambil benyanyi-nyanyi,  de keruan lutu. sambil ngawani pemandu lagu (pl) sibuk pule nyawer, mangke pl senang. sampai tancinye pak beluk abis de besisa. dalam ati pak beluk abis tanci tebal ni tadi. pas tanci abis, pl ni tadi mulai pegi ndak dalak ye tebal kantong agi.  “cacam merin, salah tulah saran jak dengan mu ni. abis tanci panen sawit. apelah alasan abis tanci ni kele. pacak nanggung men ndung yung nanyekan duit sawit,” pak beluk bemumut sughang. pas pagi aghi yung pantit benginguk minta tanci batan jajan di sekul.  “mintaklah ngah merin nak, duit bak ngah merin,” uji pak beluk, tambah pusing.

Tag

Share

• 
• 
• 
• 
•