Urung Megat Bulan

urung megat bulan yung pantit ni sedang belajar bepuase. lah seminggu die ni lancar dide ade pecah. karne dijanjikan ndungnye kalu tamat puase, reraye kele dinjuk duit rp 100 ribu. "aku ni lah seminggu puase lancar, dide pecah mak ingat janji kabah," kate yung ngicik ngah ndungnye. "au aman lah saje itu, jangan saje kabah buhung," jawab ndung yung. "udim aku ndak tiduk agi, sambil nunggu buke," kate yung. "carilah kudai kerje asing, dide pule agi dapat pahale agi kalu tiduk terus," jawab ndungnye. "biarlah yang penting tamat," jawab yung sambil ninggalkah ndungnye. yung pantit beranjak pegi tiduk, ndung yung ni pegi bemasak ke dapur karne lah jam 14.30 wib. lah selesai gale gawian ndung yung ni di dapur, pegilah die ni duduk-duduk di depan ghumah. lum lame adzan ashar bunyi. keluarlah yung ni jak kamarnye. "malah mak makan, ndik kedengaran kabah base lah adzan," kate yung ngajak ndungnye. sambil ngajak ndungnye bebuke ke dalam yung ni sambil minum ayik mbatalkah puasenye. "mase ndik kedengaran kalu lah adzan, nah makanan di meja makan ni belum siap pule, lukmane nian mak ni, udimlah mampus kutilah aku ndak makan dehulu," kate yung gemimul sughang. lah ndak selesai yung ni makan, ndungnye masuk. "nduk kabah ni makan dediam, ngicik ngah aku puase tapi makan seguk," kate ndung yung. "makan seguk tape pule, lah adzan ini lah buke," jawab yung. "uy kinaki jam, jam beghape kini yak adzan ashar titu," jawab ndung yung. "yak mase mak, ngape kabah ndik ngicik dari tadi," kate yung panik. "kabah ye dehulu-dehulu makan, ndik nanye kudai ndik nginak-nginak jam, berarti rp 100 ribu ku aman tahun ini," kate ndung yung sambil tetawe. "ndik sengaje akutu mak, jangan diitung puase ku pecah hari ini," kate yung merengut.

Tag

Share

• 
• 
• 
• 
•