Bonus Nemu Dompet

KEMAGHI, Yung Pantit balik ndai sekul nemu dompet di pinggir jalan, berhubung die ni jujur, diantarkannye dompet tu sesuai alamat di KTP. Kirenye dompet tu untuk Merin, kance bapangnye.

"Mang ini dompet kabah bukan?" tanye Yung saat sampai di ghumah Merin.

"Ya au, di mane kabah dapatnye ni, ku cari ndai kemaghi ndik nemu-nemu tini," kate Merin.

BACA JUGA:Terima Jenderal Kehormatan, Prabowo dapat Durian Runtuh

BACA JUGA:Pasca Ditahan Imbang Indonesia, PFF Ganti Pelatih Mendadak

"Tadi aku balik sekul nemu di pinggir jalan, ndik jauh ngah badah sekul kami," jawab Yung.

Setelah Merin ngecek dompet die yang dibalikkah Yung, die ni senang karne duitnye masih utuh Rp 100 ribu ndik bekurang sedikitpun, tapi die ni juge bingung.

"Mekasih au Yung, duit di dalam dompet juge ndik bekurang, tapi aku ni ye bingung," kate Merin.

"Nah bingung apelagi mang?" tanye Yung.

"Au, kemaghi duitku ni Rp 100 ribu ye cume selembar, tapi kini ade 10 lembar duit Rp 10 ribu," kate Merin.

"Ooo au, sebelum aku ngenjukkah ke kabah tadi ku tukarkah di warung kudai, ku kinaki tadi isinye cuma selembar. Soalnye kemaghi aku juge ade nemu dompet jeme, pas kuantatkah ke jemenye aku ndik dapat bonus, alasannye ndik ade duit kecik ndak ngenjuk aku," kate Yung njelaskah.

"Nduk Yung kabah ni, kah licik pule jadi jeme, udimlah nah Rp 20 ribu untuk kabah tande terime kasihku," kate Merin sambil ngenjukkah duit ke Yung.

"Nah kan kalu ndik ku tukarkah kudai tadi ndik dapat bonus lagi aku," jawab Yung sambil nyengir ninggalkah Merin.