Nyalon Gagal

“Kekiro pacak de aku ni jadi wakil rakyat jak mimpini?”uji Pak Beluk.

“Ngape de, jemo banyakni de pakai mimpi, langsung jadi calon wakil rakyat pacak. Apolagi mu dapat mimpi penunjuk jalan,” uji Merin.

“Benagh juge kate mu Merin. Cubo aku ujikan kudai calon wakil rakyat ni,” timbal Pak Beluk.

BACA JUGA:TRAGIS! Warga Lampung Dimangsa Harimau, Begini Kondisinya

Mulailah Pak Beluk ikut calon wakil rakyat, jak syarat limau melimau, ucap nek puyang lah diijokan gale. Tapi sutik de pacak dilakukannya, bagi-bagi uang katek. Maklum dio lagi buntu.

Lah cukup gale syarat lah diterime pule dengan petugas Pemilu. Mulailah pak Beluk nare jagat dunioni kemindang dalak suare dengan batan pembeli rukuak. Mulai jak uncu, niniak tino niniak lanang, mak wo, dunga, nda, aciak dan sanak, tetangga dusun laman didatangi gale kampanye ngajak milih. Amen menang ceki adik sanak de kah meli agi ikan.

Janji ni ikan nilah, mangke adek sanak dusun laman sehat. De pule ndak banyak duit asalkan ikan de beli lagi. Ade ikan tongkol, ikan belidang, ikan tirusan, ikan kakap sampai kah ikan mungkus gratis asal adek sanak setuju dengan kici’an Pak Beluk.

BACA JUGA:Waspada Dampak Buruk Minum Teh, Bisa Timbulkan 5 Penyakit Ini

Pas lah udim milih, suare Pak Beluk de nye ade keluar. 

“Ai… cacam.. ape salah akuni,” kate Pak Beluk dalam ati. 

“Mimpikuni lah nyelah dapat suare banyak, besak pule,” maju bemumut Pak Beluk ni. 

Singkatnye dio langsung nemui kancenye Merin, ngicikan suarenye lengit gale de nimbul.

“Iluak mane aku Merin, suare lengit diambik kawan gale,” kata Pak Beluk.

“Bukan lengit Pak Beluk suare mu, sesuai dengan kampanyemu, adik sanak setuju makan ikan. Tapi de lekak ngan ikan, yang lain juge ndak,” timbal Merin.

BACA JUGA:Partai Pengusung Anies Tunggu Pergerakan dari PDIP, Terkait Ini