Ampir Dapat 100
Pak Beluk--
Lah berape aghi ni Pak Beluk rengam nian dengan tingkah laku anaknye Yung Pantit ye maju sibuk main Handphone (Hp).
Ye lebih parah agi, gegara maju main Hp, Yung Pantit ni rajin dapat nilai kecik waktu belajagh di sekul.
Karene lah rengam dengan anak semata wayang tu, Pak Beluk ngiciki Yung.
"Hui Yung, jadilah kudai kaba main Hp ni, ngape kaba tambah bigal saje mbak ini," kate Pak Beluk serius.
"Aku ni sambil belajar nginaki hp ni bak," kate Yung.
"Belajar tape, ngape kaba sekul maju dapat nol," kate Pak Beluk agi.
"Kamu lum keruan saje bak, kemaghi aku ampir dapat seratus," kate Yung pede.
"Ampir luk ape Yung?" Pak Beluk bingung.
"Yak luk ape bak, kemaghi aku dapat 10, jadi tinggal tambah nol sikuk agi langsung dapat 100. Luk ape ndik ampir titu bak," Yung njelaskah panjang libagh.
"Ai entah nian pule amun luk itu Yung. Mulai pagi jadilah kudai kaba main hp tu. Kalu kaba tambah bigal saje. Ndik bedie jeme ye ampir dapat seratus kapuh. Amun dapat 10 tu same saje ngan dapat 1 Yung," Pak Beluk marah-marah njelaskah ngan Yung.
"Ui luk itu bak," kate Yung sambil nggarut palak.
- Tag
- Share
-
-
