Mutung Barang

PERKARE penekil, Pak Beluk lah dilaporkan Merin ke Polisi. Ceritenye, Merin lah pusing 

setiap nongkrong dengan Pak Beluk penekil ble lengit terus. Pak Beluk ditanye dide ngaku, diperikse segale badannye dide bedie. 

Karena penasaran, akhirnye Merin mesan tekilannye sentrum digital. Penekilan itu persis tekilan biase cuma dilengkapi internet. Jadi kalu ndak mode sentrum aktif cukup sambungan dan pencet lewat aplikasinye.

"Tekilan baru aku, awas nian kalu lengit agi tekilan ini ku polisikah pokoknye," kate Merin ngicik dengan rabananye.

"Alap tekilan kaba ini, cube nginak," jawab Pak Beluk 

"Ku penjarakan pukuknye," kate Merin.

Singkat ceritenye, Merin sengaje kah pegi ke belakang, penekil kenan dide dibataknye. Biar jeme ngambiknye tekene sentrum.

"Aku kah ke belakang kuda jerang, tekilan dide ku bawe, awas men dimalingi," modus Merin.

Pak Beluk dide pikir panjang Merin baru nian kisit tige langkah dari  badah duduknye, langsung penekil dibajikan Pak Beluk dalam kolornye. Singkat ceritenye, Merin sampai. Nginak penekilannye lah lengit, tanpe ngicik-ngicik agi langsung pecitkah Merin mode sentrum tekilannye tadi. Pak Beluk langsung tekanjat, tepekik.

"Oiii sakit, tape ini uiii" kate Pak Beluk sambil melncat - luncat.

"Mati mampuslah kaba, maling agi kerje mu," Merin sambil ngate-ngatei Pak Beluk.

"Ampunn ce, ampun nian matikah uiii melekat barang ini ke rudal ku," kate Pak Beluk.

Karena lah kesian,  mode sentrum tekilan akhirnye matikan Merin. Pak Beluk langsung mengecek ke kolor. Tekejut Pak Beluk sebab kolor temasuk dengan rudalnya mutung.

"Ai mak mutung barangku ini, dide pacak pakai agi ini," kate Pak Beluk sambil maluan.