Cat Aneh

Reporter: Rohidi Effendi |

Editor: Daspan Haryadi |

Kamis , 23 May 2024 - 17:59

Pak Beluk--

cat aneh                            lum lame ni pak beluk pegi ke toko bangunan ndak beli cat batan dinding kamarnye.
anye pas sampai di toko bangunan tu, pak beluk bingung ndak cat warna ape ye alap.
sebab, ye teringat ngan kenan pesan kawannye waktu itu warna cat ye alap tu cumen warna tai.
jadi segale cat ye ditanye ngan pak beluk beujung tai gale.
"ade cat warna kuning tai dek?" tanye pak beluk ngan penjage toko.
"sedang kosong pak," timbal penjage toko.
"amun hijau tai sapi ade dide?" tanye pak beluk agi.
"sedang kosong pule pak," kate penjage toko agi.
"ntuk luk ape titu eh. amun warna putih tai burung ade ndik?" tanye pak beluk
"ndik bedie pak kalu putih tai burung. kalu warna putih biase ade," jawab penjage toko.
"amun warna coklat tai anjing ade ndik?" pak beluk ngulang betanye.
"warna coklat ade, tapi bukan tai anjing," timbal penjage toko lah mulai kesal.
"yak ngape die kosong gale ni. amun warna itam tai kambing ade ndik?" tanye pak beluk agi.
"itam ade, anye ndik bedie amun ye begambar tai kambing kapuh tu," penjage toko mulai marah.
"nah ngape die kosong gale tu dek ai," pak beluk bingung.
"kudai, kamu ni ndak beli cat ape ndak beli tai pak. amun ndak beli tai bukan di sini badahnye," uji penjage toko rengam.
"yak ndak beli cat dek. anye tape amun ndik die ye warna luk itu, ude urung kudai," timbal pak beluk sambil pegi luk adak.
"ai lah ndik sihat agi bapang ini," cetus penjage toko sambil ngelus dade.

Tag

Share

Koran Terkait

Kembali ke koran edisi Radar Kaur, Jumat 24 Mei 2024

Berita Terkini

Berita Terpopuler

Berita Pilihan