Bubur Liling

Reporter: Bahman Hadi |

Editor: Dedi Julizar |

Selasa , 02 Apr 2024 - 21:18

Pak Beluk--

bubur liling                            bulan suci ramadan penuh berkah ini berimbas pule dengan keluarga pak beluk. rupenye pak beluk dengan anak semate wayangnye yung pantit rajin benagh pause tiap agharinye.
singkat cerite pak beluk mulai bingung ngijeka pembukoan pause. jak cindul sampai buah deghian lah dicube gale buat bukean. 
yung pantit dengan bapangnye, kalu dek bidie pembukean puasenye pacak purik tiap aghi. lah banyak pembukean ye dicukah, lah abis pule menu buke ye biase. semingge pak beluk lah mulai nyagu, oleh sebab itulah kenan mulailah minta petunjuk dengan merin.
“bantu kudai aku merin, ngape bukeanni peghasean aku lah udim gale dicube,” kata pak beluk.
“pembukaen tu banyak macamnye, banyak nian raginye. mase lah dicubo gale,” timbal merin.
“au nian lah dicube gale mulai jak bemacam jenis cindul, bubur, kue sampai bahan jak buah deghian. raseku de ade ye lum kami cukah agi,” uji pak beluk.
mulailah merin bepikir sambil merenung, mikirkan batan bukean pak beluk ni. lah mulai telintas dipikiran merin nye aneh, mangke pak beluk kene kibul dengan lagi dengan bukean.
“ade kalu ndak bukean yang lemak manis, main kecup pule. bukaon itu biase aku guneka kalu de ade bukoan lain agi,” petunjuk merin.
“nah, ape pule itu merin, pacak aku kicikan dengan ndung yung pantit. karena lah nyagu makan bukean ye dijual di jalan ini,” timbal pak beluk.
“ade nian pak beluk, cube kabah kicikah ndung yung pantit masak bubur liling. itu baru kabah dapat sensasi bebuke kele,” saran merin.
“bukan digulai masak liling tu merin, alangkah neman ngecup liling mane kuanye manis pule” timbal pak beluk agi.
timbal merin “itukan pembukean penuh sensasi, cukahlah kudai kabah”.
lah yakin benagh pak beluk balik ke ghumah nganjung ndung yung pantit masak bubur liling jak saran merin. 
mulailah ndung bemasak bubur liling yang kate merin lemak kata.
pas lah bebuko, pak beluk dengan yung pantit mulai makan bubur liling. kate pak beluk dengan yung pantit “dimane lemaknye bubur liling ini yung. lah abis pule secambung ngecup lilingni. 
“dighi tu lah dibuhungi merin, base lilingni biase dibuat gulai bukan bubur,” uji ndung yung pantit.
“nduak merin, bulan pause mu masih ngerjei aku merin. lah tega nian kabah, neman aku ngecup liling bubur manis pakai gule arenni,”uji pak beluk sambil ngecup liling ditawekan yung pantit. 
“itulah bapang jangan buyan amen de ndak kene buhung terus. mase bebuke makan bubur liling. banyak jualan di pasar, martabak, tapai, lemang, es dawet. ceki lemak nihan, ukan jadi kelinci percobaan pembukean mamang merin,” nasehat yung pantit.

Tag

Share

Koran Terkait

Kembali ke koran edisi Radar Kaur, Rabu 3 April 2024

Berita Terkini

Berita Terpopuler

Berita Pilihan