Pintu Ajaib
Pak Beluk--
Lum lame ni, Pak Beluk diajaki kancenye Ujang Kericup pegi ke kota besak. Sampai di kota besak, Pak Beluk langsung diajak pegi ke hotel bebintang.
Singkat cerite, pas udim mesan kamar hotel, Pak Beluk langsung diajak kancenye naik ke lantai atas. Kebetulan, kamar ye di pesan tu badahnye di atas.
Anye, pas ndak naik Pak Beluk kebingungan sekaligus kagum dengan kerje jeme di kota tu. Sebab, di hotel tu tamu diajung naik lift untuk sampai ke lantai atas.
"Ai cacam, pintu ajaib rupenye tini," kate Pak Beluk setu sampai di muke pintu lift tu.
"Pintu ajaib luk ape bapang Yung, memecam saje kaba ni," kate Ujang.
"Yak luk ape ndik ajaib ce, ye masuk 4 ye keluar 8 orang di duare ini. Udim tu, ye masuk lain ye keluar lain pule. Ade-ade saje kerje jeme kota ni. Dide nian ke te ikut ngan kite kerje jeme ni," kate Pak Beluk njelaskah ngan Ujang.
"Itulah mangke ndak ngeluar dusun, jangan die megham di dusun tulah. Ndik kah keruan aguk jeme kota. Malukah nian kaba ni," Ujang bejijih ngan Pak Beluk.
- Tag
- Share
-
-
