Advertisement Google

Gulung Tikar

Reporter: Ujang Tamarozi |

Editor: Dedi Julizar |

Jumat , 27 Dec 2024 - 20:35

Pak Beluk--

gulung tikar                            pak beluk kini bisnis limau.
tiap aghi kenan bejualan dengan kancenye di pingir jalan besak.
setiap jeme lalu pak beluk ngajung jeme berhenti beli limaunye.
“jeruk manis murah, beghadulah-beghadulah,” kate pak beluk.
lah lame bejualan, tapi endik bedia jeme singah beli jeruk.
“kite pindah saje, bapang yung badah bejualan,” kate kance pak beluk.
“kemane agi kite, kepasar saje,” kate kance pak beluk.
sampai pasar, pak beluk mulai jualan.
“jeruk manis, jeruk manis,” kate pak beluk.
disebelah pak beluk jualan jeme jualan asam.
jerum manis, kate pak beluk, jeme sebelah jawab asam.
lah ade empat kali tiap pak beluuk ngicik jeruk manis yang selah jawab asam.
“oi ngape kabah ngicikah jeruk aku masam, manis jeruk ku ini,” kate beluk.
“nide kau ngicikah jeruk kabah masam, aku ini jualan asam,” jawab penjual asam.
“au keruan aku, tapi jangan udim aku ngicik jeruk manis kabah njawab asam. lamekah dikit aku udim ngicik kabah mpai ngicik. kalau masih juge mbak itu kabah tu ndalak balak,” pak beluk ngangat. 
jeme sebelah die itu akan tekejir juge, sebab pak beluk ini lah pasang udim. tapi die masih dide kahah gertak, masih njawab “oii ce, ukan pasar kabah ini”.
nganing jeme sebelah ngicik mbak itu pak beluk pasang udim ngicik “udim bedagang kele lain urusan kite. tunggulah kabah, tanyelah dengan jeme ghami ni siape aku”.
nganing kicik pak beluk model itu jeme sebelah ketakutan, die mendam. dalam ati kenan “preman penjual sebelah ini”. 
nginak pak beluk mulai ngangat kantinnye ngicik “udimlah, kalau kite ribut kele. ukan untung limau ini habis, tepetak ke modal kite habis untuk damai”.
nganing kantinye bebisik pak beluk agak sadar, dalam atiu kenan “pacak gulung tikar kalau belage. awak modal minjam, pacak tejual bande tue kele”. *

Tag

Share

Koran Terkait

Kembali ke koran edisi Radar Kaur, Sabtu 28 Desember 2024

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan