Advertisement Google

Hanye Ekting

Reporter: Rega Jusa |

Editor: Dedi Julizar |

Minggu , 08 Dec 2024 - 20:21

Pak Beluk--

hanye ekting                             yung pantit dengan ain mengambil mangga mentah sekantong untuk merujak. jeme bedue ini dide tahu base mangga inu untuk mpu mangga, bahkan sebelumnye mangga ini mpai udim dimaling jeme.
semingge jeme mpunye beberape aghari ini selalu mengwasi mangganye.
"ce ade mangga, berenti kudai," kate yung pantit.
"uii untuk jeme titu, udimlah pule," kate ain.
"cepatlah, berenti kudai," kate yung agi. 
"ndalak mati jeme bedue ini," kate mpu mangga  tadi ngicik dalam hati.
singkat cerite, yung pantit sedang begasak memilihi mangga untuk rujak. sedangkan ain sedang nunggui pak beluk sambil main hp. mpu mangga ini diam-diam nangkap tian bedue ini. pertame ain karene di pucuk motor, udim tu yung pantit.
"kamu bedue inilah berarti yang maling mangga kami selame ini," kate mpu mangga ini.
"ampun wak, ampun. empai sekali inilah kami ngambik, ndang penjarahkan kami wak, ampun, aku ndak bebini bulan muke" kate yung pantit.
"kalu engguk penjara kabah sambungkan agi buahnye, luk mane nye sebelum diambik," jawab mpu mangga tadi.
lucunye ain ini cuma diam saje, dide ngicik ape-ape waktu ditangkap.
"siape name mu, anak siape kabah," tanye mpu mangga dengan ain.
"uuuuaauuua," jawab ain.
dengar ain ngicik cak – vak bisu, yung pantit langsung diam nahan tawe. sedangkan mpu mangga ini cuma diam.
"siape name kawan kabah ini," kate mpu mangga dengan ain.
"uauaauauaa ," jawab pak ain. 
nginak jeme ditangkapnye bisu, kenan kesian juge. semingge dilepaskah jeme due ini, anye waktu lah bejalan budak due itu langsung mekik “mekasih wak, kekalu jadi ibadah dighi mangga itu”. 
nganing budak tu mekin, kenan langsung ringam. sebab jelas budak due ini mbudikah, cak bisu tadi hanye ekting die saje.

Tag

Share

Koran Terkait

Kembali ke koran edisi Radar Kaur, Senin 9 Desember 2024

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan