Advertisement Google

Salah Pawang

Reporter: Bahman Hadi |

Editor: Dedi Julizar |

Rabu , 20 Dec 2023 - 20:29

Pak Beluk--

salah pawang                            belum lame ini kance pak beluk, merin minta pendapat dengan pak beluk. biasenye pak beluk minta pendapat dengan merin tapi kali nampaknye gantian. peci udim merin datang ke ghumah pak beluk pakai sepatu keting kiri kanan warna abang, baju celane abang pule, cuma tuguk hitam.
pas sampai ke ghumah pak beluk belum ngetuk pintu, 
merin tegaik, "pak beluk buka kudai oi pintu ni,".
"tepe lukaknye merin kelam bute lah datangni, bukan ndak ngerjei ku agi," jawab pak beluk.
"sabar saje, aku datang minta bantu kudai pak beluk," uji merin.
"bantu ape pule, kalu tanci kateke kini lagi paceklilk," timbal pak beluk agi.
"ade nihan, aku ni ndak pestakan anak," kate merin.
"ape hubungan dengan aku," jawab pak beluk agi.
merin, "cube dalakah kudai pawang hujan masalanye air dighumah lah kering gale. neman ige ngangkut jak sungai".
"kalu cuma itu mudah saje merin, tunggulah aku dalakah," kate pak beluk sambil besiul ndak minta jatah uang rukuk.
pas dapat tanci jak merin, berangkat pak beluk pakai gerude bughak dalak pawang hujan. kekire dua jam lah betemu nihan dengan pawang lagi jualan obat di pasar. bukan main pawang pakai cincin besak due butiak warna hitam gale.
langsung saje pak beluk nanye, "pak pawang bantu kudai aku".
"apa pak beluk, amboko ni jualan obat," kate pawang logat bengkulu.
dalam ati pak beluk, cete pawang ini pacak datangkan hujan nginak cincin besak.
"kite langsung saje ini tanci, tolong datang ke rumah kance aku, merin ndak pesta, ikut aku kini.
lajulah. pak pawang ikut nginak upahnye besak de sebanding jak jualan obat.
lah sampai ke rumah merin.
"ini pak pawang, merin pacak gale dieni turunkan hujan sampai panaskan lagi dunieni," uji pak beluk.
"langsung saje, ape syarat ndak disiapkan," timbal merin.
"de pule ndak besyarat, cukup dengan cincin besak pak pawang," timbal pak beluk.
mulailah pak pawang mainkan cincin sambil ngenginak ngerinami pak beluk dengan merin. dalam ati pak pawang, amboko bukan pawang hujan tapi pawang ular. nggak apa yang penting pitinya besar.
belum lametu pak beluk pamit dengan pak pawang, nah merin jerang aginhujan turun lebat. pas balik, di jalan cerite pawang dengan pak beluk.
"sebenarnya mau apa kawanmu tadi pak beluk," kata pak pawang.
"tadi lah kusampaikan, kawan minta hujan, anaknya mau pesta," uji pak beluk.
"ambo bukan pawang hujan, ambo pawang ular," jawab pak pawang sambil senyum.
tegaik peci udim pak beluk, "kenapa ambo idak bilang kalau ambo pawang ular," uji pak beluk jawab sughang.
"nah itu baru betul, ambo pawang ular, pak beluk pawang hujan," jawab pak pawang.
"jadi ambo tu artinya aku. minta maaf merin,.... salah pawang, pawang ular rupenye tepesan. pantaslah panas saje jak tadi," timbal pak beluk sambil ngusuak kening nginai merin jak jauh. (man)

Tag

# cerita daerah

Share

Koran Terkait

Kembali ke koran edisi Radar Kaur, Kamis 21 Desember 2023

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan