Advertisement Google

Bengkelan

Reporter: Rohidi Effendi |

Editor: Daspan Haryadi |

Rabu , 04 Sep 2024 - 19:41

Pak Beluk--

bengkelan                            malam kemaghi, pak beluk berusik ke badah rumah kancenye merin.
anye, karne pak beluk ni lah lame dide berusik, jadi merin ngajung bininye masak kecepul batan tauk kopi.
sambil nunggu kecepul masak, pak beluk ngan merin ngobrol santai di berende rumah.
"luk ape kekire cerite mbak ini aghi ce," tanye pak beluk mulai ngicik.
"ai masih luk cerite lame nila bapang yung. ye jelas masih musim buntu tula mbak ini tu," timbal merin.
"amun itu same sjae ce," cetus pak beluk.
singkat cerite, pas sedang asyik ngobrol, bini merin langsung nengahkah kecepul angat dan kopi angat.
karne lah lame dide makan kecepul, pak beluk langsung ngambik sebuah ye masi beasap saking angatnya.
udim tu, pak beluk langsung masukkan ke mulut kecepul angat tu. pikir pak beluk pacak niupnye dalam mulut.
anye, karne semangat ige, kecepul angat tu teteguk dengan pak beluk.
ye bangat agi, kecepul angat tu nyangkut pule di kelongkongan dan pak beluk bengkelan kecepul.
singgenye, tinggal dedungap saje pak beluk bengkelan kecepul angat tu.
anye merin sigap dan langsung ngughut belakang pak beluk. singgenye bedebul keluar kecepul njak mulut pak beluk.
"ayai uii, nduk aaii, ampir lebar aku uii," kate pak beluk masih ngusuki kelungkungan ye masih angat peci kecepul empai ngangkit tadi.
"itulah pepade ce, dide iluk jeme luk gerut ige tu. adak ampir jadi kerje," kate merin sambil tetawe karne lucu nginak muke pak beluk ye masih tepeluh liut.

Tag

Share

Koran Edisi Terbaru

Baca Koran Radar Kaur, Minggu, 24 Mei 2026

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan