MALAM kemaghi Pak Beluk ngajaki kawan lamenye Lihin pegi jejalan ke pasar.
Singkat cerite, pas lah puas keliling di pasar tu, Pak Beluk terase lapar dan ngajak lihin makan.
Anye, karne sedang musim krisis, jadi Pak Beluk ngajak makan mie saje.
"Melah kite makan mie kudai di kedai itu," ajak Pak Beluk.
"Ui melah, lah lame nide makan mie," timbal Lihin.
"Mesanlah kaba ce, aku lah udim mesan mie goreng," kate Pak Beluk.
"Ude samekan saje ngan kaba," saut Lihin.
"Sambil nunggu mie masak ni, ade ye ndak aku tanyeka ngan kaba ce," kate Lihin serius.
"Tape die titu," Pak Beluk penasaran.
"Kan jelas njak namenye, mie goreng. Jadi seharunye di goreng. Anye selame ini ngape maju di rebus awah," uji Lihin.
"Mangke di luk apekan saje nah," Pak Beluk nimbal.
"Urung mie goreng amun direbus, luk ape bai. Mbuyankah base jeme tu," kate Lihin njelaska.
"Ude kicikka ngan tukang masak tu, jangan direbus mie kite tu. Goreng saje," kate Pak Beluk.
"Itulah jiku. Kudai aku ngicikka die kudai," kate Lihin.
"Hui buyan kamu ni, kan lah dikicikka tadi, mie goreng. Ngape kamu rebus mie tu. Buyan kamu ni," kate Lihin marah-marah.