Takut Telalu

Jadi ceritenye sekeluarga ni tadi dang santai-santai sambil nikmati pembukean petang.  Lah tebadai gale depan Tv singgenye.

Pas saje tontonan ni tadi seru. Juge jadi obrolan seghumah ghaye. Sambil nonton sambil makan.

Lum lame nonton datang tamu jak jauh juge. Sambil ngobrol minumkah kopi itam gule abang.

Singkat cerite, ade yang tengah ngobrol, ade pule tengah nonton sambil kekenyangan.

Lum lame ngobrol ni tadi, beguncang gempe sampai. Lumayan kencang juge.

Pas gempe sampai ndik keruan agi di mane badah pelaghian, ade juge yang salah pelaghian.

Behamburan singgenye anak umat ni tadi keluar gale ketakutan.

Ame tamu njak di jauh ni tadi salah pelaghian. Besimbun di bawah mejah tulah, ndik keluar. Sambil mekik ngicikkah idup anak umat. Awak jeme keluar gale.

Ditanye lah ngah Pak Beluk ni tadi, nginak kelakuan tamunye.

"Ngape seguk di bawah meja Mang?" tanye Pak Beluk.

"Luk mane ame deras nian, kalu runtuh bangunan ni," sambung Pak Beluk.

"Kate jeme ame gempe hindari kace dengan seguk di bawah meja pasti aman," jawab mamang tamu.

"Sebenernye ndik masuk logika ame gempe kencang mang, kalu awak tulah yang kenenye," jawab Pak Beluk.

Lah udim kejadian gempe ni tadi, alhasil kane alasan utame seguk di bawah meja alias tekemih-kemih di bawah meja saking ketakutan telalu tamu Pak Beluk ni tadi.