Ndik Nue

SEMENJAK bulan puase tahun ini, Pak Beluk maju rutin puase. Bahkan kenan beniat akan puase full sampai lebaran.

Anye, empai seminggu puase, kenan ni lah banyak ulah. Maklum, lah agak tue. Jadi mungkin lah agak pikun pule.

Singkat cerite, pas siang kemaghi Pak Beluk duduk santai di depan rumahnye dengan bininye ndung Yung.

Sambil duduk-duduk tu, Pak Beluk bekicik ngan bininye. Sebab, keanan mere tambah kuat iman sejak bulan puase ni.

"Anu Ndung Yung, luk ape menurut kamu. Amun perasean aku, semenjak bulan puase ni tambah kuat saje iman aku," kate Pak Beluk mulai ngicik.

"Nah, syukurlah amun kengenian bapang Yung. Acak kah iluk amun serius kamu tu," Ndung Yung riang njawabnye.

"Ya awu ngenin bai. Cube, saking kuat iman aku tu, empai jam 11 siang saje, pikiran aku tu lah maju ndak sembayang Magrib," kate Pak Beluk njelaska.

"Nah luk ape ceritenye bapang Yung, sembanyang Dzuhur dan Asar saje lum. Nengape kamu lah ndak sebanyang Magrib. Lah mengkuau kamu ni," Ndung Yung mulai ngangat.

"Yak ngenian aku tu. Perasean aku tu, lah maju ndak sebayang Magrib. Sebab, amun lah Magrib bearti bebuke puase," uji Pak Beluk.

"Ai salah perasean baseka kamu tu. Ukan die tambah kuat iman amun luk. Anye, tambah jauh saje. Tue ndik nue, mengkuau namanye," kesal Ndung Yung.