Pengempesan

Jadi ceritenye Pak Beluk ni kebingungan dengan busungnye yang buncit. Die mikir luk manelah care ngempeskannye. 

Ame makai baju ndik nian lemak nginaknye, ape agi ndak gabung dengan rombongan.

Singgenye makai baju tu kadang lah tebukak kancingnye, tambah-tambah pai udim makan. Jelah tu konsultasilah dengan dokter kesehatan. 

Ame kate dokter rajin-rajin olahraga kurangi makan berlemak dengan kurangi makan malam. Jadi tu pas dokter lah ngajung luk itu lakukanyelah gaweh Pak Beluk.

Pukuknye tiap aghi pagi siang malam olahraga saje, berkat diajungkan rajin-rajin olahraga. Lum lame pas tengahan olahraga malam, ade tamulah Pak Beluk ni alias jeme ngetuk pintu.

Betanyelah kawan Pak Beluk ni tadi, nginak Pak Beluk lah basah gale. 

"Yak ngape lah basah gale ni Mang?" tanye tamu Pak Beluk.

"Maklum agi proses pengempesan," jawab Pak Beluk.

"Tuape pule kah dikempeskah?" tanye kawan Pak Beluk.

"Busung ni ndak kempeskah, mangke lemak juge nginaknye," jawab Pak Beluk agi.

"Maluan ngah jeme ame busung buncit, dululah busung bejalan jak di keting," Pak Beluk ngicik.

"Haha mase mang dulu lah busung bejalan, lah tebayang aku besaknye busung mamang tu. Ini saje lah payah bawe busung mamang tu haha," kawan Pak Beluk sambil beragam.