Saling Pulahi

saling pulahi belum lama ini, pak beluk ditelpon merin ngajung datang ke ghumah ndak doa kebuyu anaknya. singkat cerite, lah udim bedoa pak beluk makan dengan reraban itu. "makan kudai, kele pule balik tu kite ngobrol lah lame dide bercerite ini," kate merin "jadi, aku makan kudai ame luk itu," jawab pak beluk. udim makan pak beluk kah begeer duduk di luar, rencane kah ngudut. mpai benagh kah begerak, merin nyaut. "ndak ke mane kaba," tanye merin "ngudut kudai, duduk di luar saje kite," balas pak beluk. "awu tunggulah kudai, aku mbereskah ini," balas merin singkat cerita, pak beluk duduk luagh sambil ngudut. tibe-tibe merin mantau ndai samping. "ce, endak ngupi ape bandrek, kebetulan ade telur bebek," jawab pak beluk. "ai bandrek saje kalu luk itu, mumpung hari ini dingin," balas pak beluk. "awu tunggulah," balas merin. merin dide tahu base telur bebek yang disimpan dalam kulkas ini lah busuk. waktu dibuka merin telor tu hembaunye agak busuk tapi lum busuk nian. rupuk hati merin kalu ade jeme tekentut, atau hembau bangkai tikus. singkat cerita datang merin ini tadi ngejukah bandrek pak beluk. "na ini bandrek pesanan mu ce, telur bebek  khusus untuk mu," kate merin. "mekasih ce, cube aku kecap kudai lemak nian dide ini," jawab pak beluk. "awu kecap kudai," balas merin  lucunye pas minum bandrek pak beluk langsung spontan tekejut. karena embau bandrek busuk anyir "cukah kabah minum kudai dikit, supaye tahu ape kelebihan dan kekurangan bandrek buatan kabah ce,” jawab pak beluk sambil ngenjukah mangkuknye ke merin.  karene penasaran merin mulai negukkah bandrek tu, kenan tepekik “cacam bapang yung, busuk anyir tue ini”. “naaa kan, supaye kite adil. same kene, aku pikir kabah mulahi aku. jadi aku pulahkah pule, semingge saling pulahi. jadi same kene,” sahut pak beluk lelinyum.

Tag

Share

• 
• 
• 
• 
•