Sesuai Pesanan
![](https://radarkaur.bacakoran.co/upload/2be9e81bc9139a0d0b8d8d58d8e21728.gif)
Pak Beluk--
BELUM lame ini Pak Beluk lagi pusing tujuh keliling. Die lagi buntu berat alias dide beduit. Biaselah Pak Beluk kalau ade masalah tempat die ngadu dengan kancenye Merin.
Singkat cerite Pak Beluk datangi ghumah Merin. Pas nian Merin lagi dedepus ngudut rukuk surya mbak telapak tambah, aik kupi segelas besak.
"Ape kabar Pak Beluk, lah lame dide beghusik ke ghumahni. Tape lah banyak nian duit kabah kini," kate Merin
"Dide ce, aku ni lagi pusing nian kini. Yung Pantit minta belikah Hp libagh alap," uji Pak Beluk
"Jangan pusing Pak Beluk, kalu kate dang Bowo tu jogeti saje," timbal Merin agi.
"Cacam ce, mane kah joget kalau utak mbene. Dide kah ngudim oleh joget," timbal Pak Beluk
"Ngape, jeme banyakni ngudim gale karene joget, pikiran pusing lenyap," uji Merin
"Aku kini dide beduit Merin, bantu kudai ce," uji Pak Beluk.
"Kalau jurusan duit mudah ce, asal kabah kerje," jawab Merin
"Kerje ape saje kini, yang penting uang masuk kantong," uji Pak Beluk agi.
"Nah gampang itu, kerjean ade nian kini. Kabah bersihkah kebun akusaje, anya sampai bersih nian," uji Merin
"Jadi Merin, anye besak lukape upahnye," jawab Pak Beluk agi.
"Jangan kabah pikirkah, yang penting kebun aku bersih-bersih kalu pacak te tanah," uji Merin.
Mulailah paginye Pak Beluk bersihkan kebun Merin. Dibabat abis segale yang ade di kebun, mulai batang kawe sampai batang jering mude mpai tige bulan ditanam habis gale. Iluak itu juge rumput abis pule.