Ndalak Aman

PURIK nian Pak Beluk, sebab jeme yang badahnye sesame ndalak hidup dide sesuai kometmen. Mulai dari jadwal piket sampai dengan urusan ye lainnye, semingge Pak Belukl ngeluh dengan Merin. Sebab kah ngeluh dengan ye lain bakal mbesaki duke di hati saje.

“Lah pusing nian aku ce, mane program kerje ini tebayak. Annye penghasilan dide naik, keruh pale kini,” kate Pak Beluk.

Timbal Ujang Kericup santai “Itulah kabah bapang Yung, jangan dirupuki gale. Sesekali ikutkah aku ke badah benyanyi kudai. Semingge utak kabah ye bene tu pacak rilex, dide ade beban”.

“Inilah kabah, ukan ngajak ke jalan iluk. Masih kinah ngajak ke arah dide benagh tulah. Kite ini lah tue ce, jadi kite lah wajar becare tue saje. Jangan lah agi kite model jeme umur bawah 30 tahun itu. Maluan dengan tuhan, sebab lah banyak nikmati kite ye dinjukah tuhan,” jijih Pak Beluk cak pakam.

“Udelah, kalau kabah dide dege. Kini lukmane urusan kerje ini tadi, ape kabah yang purik tu. Ape kabah juge purik dengan aku, tapi ngape kabah curhat dengan aku anye,” desak Ujang Kericup.

“Musingkah gale kekantin ini, temasuk kabah. Aku curhat dengan kabah ini, sebab ghumah kabah parak. Sementare ye lain itu jauh nian,” jijih Pak Beluk.

“Kini saran aku, kabah mendam saje urusan kerje itu. Jeme kerje di perusahaan ini dide ngotot model kabah bapang Yung. Tekadang lain dikicikkah lain pule dikerjekah, jeme ndalak aman gale. Kalau gabah masih bejijih, kabah yang buyan,” tegas Ujang Kericup serius.