Takutan Matik
Pak Beluk--
PAK Beluk lum lame ini demam, karena parah bele harus dirawat di rumah sakit.
Dua hari dirawat, Pak Beluk lah kerih, karena dide pacak ngape-ngape.
Make cepat balik, Pak Beluk mulai bekelakar nak buhungi dokter.
“Make cepat balik, aman dokter nanye kicikan lah lemak gale,” dalam ati Pak Beluk.
“Selamat pagi pak, apa persaan saat ini,” tanye Dokter.
“Nide ade dok, lah lemak gale,” jawab Pak Beluk.
“Yang benar pak, kalau melihat trombosit bapak masih parah penyakit bapak,” jelas dokter.
“Yak ape pule trombosit, kate dokter ni,” dalam ati Pak Beluk.
“Ooooo, jadi belum bisa pulang saya dok,” Pak Beluk nanye balik.
“Beluk Pak, nanti kalau trombosit sudah normal baru boleh pulang,” jawab dokter.
“Yak awaklah buhung nak balik cepat, pintar pule dokter ni,” dalam ati Pak Beluk.
“Udelah kabah anak bohong tu, dokter tu pintar, nenurutlah kah sihat nide,” endung Yung lah bejijih pule.
“Yak ape die trombosit itu,” Pak Beluk nanye endung Yung.
“Nah itu darah berfungsi membentuk darah pembekuan, aman turun terus pacak lalu,” jelas Endung Yung.
- Tag
- Share
-
-
