Mirip Bapang

LAH seminggu ni Yung Pantit anak Pak Beluk libur sekul, karne kelas 6 sedang ujian.

Anye, selame libur ni, kenan cuman ngabiska waktu main di ghumah saje.

Sebab, ndak jejalan kate ndungnye lagi musim pisak. Udim tu ndak main ke rumah kancenye dide kene ajung ndungnye pule.

Anye karne lah bosan maju mendam di ghumah seharian, Yung pamit ngan ndungnye ndak berusik ngan kancenye di depan ghumah.

"Mak aku ndak ke rumah Bedul kudai," uji Yung pamit ngan Ndung Yung.

"Awu pegilah amun dide kah urung agi. Anye ingatkan pesan mak awu. Pas ndak nyeberang jalan kele tunggu mobil lalu kudai awu mangku kaba nyeberang," pesan Ndung Yung.

"Awu mak, aku pegi kudai," timbal Yung.

Kekire lebih kurang sejam, Yung balik sambil tegauk-gauk nangis.

"Ngape kaba nangis Yung. Cengki lah belage agi kaba ngan Bedul awu," tanye Ndung Yung.

"Ndik mak," timbal Yung sambil maju dedisut nangis.

"Mangke ngape kaba maju gegauk nangis," ndung Yung penasaran.

"Tape die, lah sejam lebih aku nunggu, anye dide bedie mobil sikukpun ye lalu. Luk ape aku ndak nyeberang," Yung njelaskan ngan ndungnye.

"Yak entah pule nian amun luk itu Yung. Iluk mendam lah di ghumah nila kaba. Mirip sape pule kaba ni sangkan buyan nanan," kate Ndung Yung rengam.

"Mirip bapak tulah amun kate jeme aku ni mak," timbal Yung.