Mase Tenggang

SIANG ini, Pak Beluk bekhusik nga Wak Jarot ye kini dang gering. Tokoh masyarakat ye dikusiki Pak Beluk ini dulunye dikenal sebagai centeng di dusun, badanye tinggal. 

"Luk ape keadaannya, Wak. Lah lemak juge," tanye Pak Beluk.

Dengan nada lemas Wak Jarot menjawab, "Lah lemak juge, bapang Yung. Kemaghi lah udem besuntik".

"Luk ape pule ceritenye sangkan kamu demam ni, Wak," tanye Pak Beluk.

"Malam belah sanghi aku ni kehujanan waktu balik jak acara doa di ghumah Merin. Akap paginye lah sakit gale badan. Engkase lah bidapan aku. Entah ngape mudah benagh bidapan aku mbaini," cerite Wak Jarot.

"Yak. Lah berumur kepala enam die kamu tu Wak. Wajar amu lah guyuk," ujar Pak Beluk.

"Itulah jiku. Amu sebitu betarak tige hari tige malam ujan kepanasan masih sehat wal'afiat. Ate kini kehujanan dikit lah bidapan. Lengit nian gerotnye amu mbaini," keluh Wak Jarot.

"Au lah habis nian centengnye kamu mbaini. Amu kate Pak Ustad tu. Amu diumpamekan nga kartu Hp. Jeme seumuran kamu ni lah masuk masa tenggang, badan lah galak kejang, barang ndik agi tegang. Tinggal nunggu habis mase aktif wak tu," tandas Pak Beluk. 

Nganing kicik Pak Beluk, Wak Jarot masih njawab “Jangan mbak itu nian nakan, aku ni masih bedue umur panjang tulah waktu sembayang.

Kalau galak kejang dengan dide tegang au nian, anye jangan kudai kah dihabiskah mase aktif. Kele kalau aku game, wak tine kabah siape kantinnye, pacak disindang jeme”.