Polisi Honor

BELUM lame ini Pak Beluk minta tolong dengan Merin. Pak Beluk lah lame jadi pengangguran, lah mutar-mutar saje Pak Beluk. Anye belum juge dapat kerje. Dengan Merin Pak Beluk serahkan bulat-bulat untuk masa depannye anak beghanak supaye ade kerje yang dapat ngasilkan duit. Lah purik Pak Beluk tiap aghi hutang di warung. 

Pak Beluk ngicik dengan Merin "Tulung kudai aku cce, lah lame aku ni jadi pengangguran".

Nimbal Merin sambil ngicik bebesakan "Kabah ndak kerje ape, aku ni pacak gale bantu. Maklum kerje kini di lapangan nilah. Jadi dengan pejabat besak sampai kecik kenal gale".

Timbal Pak Beluk "Aku minta masukan jadi honor Polisi saje  kalau kabah pacak".

Balas Merin "Maksud  kabah bantuan Polisi (Banpol)".

Jawab Pak Beluk " Aseku nyelah nihan Banpol, sebab ade pemukul warna hitam keghas itu". 

Timbal Merin agi "Kalu yang mu kiciaktu bukan honor Polisi Pak Beluk. Tapi honor Satuan Polisi Pamong Praja (Satpol PP) itu".

Sahut Pak Beluk serius "Dide keruan aku, ye galak nangkap kambing, sapi dan kebau tu ce”. 

‘Cacam, kele kabah litak ngikut kerje raban tu. Sebab kabah ini hanye kicik saje besak, tapi teenage kecik,” Jawab Merin.

Agak dide sedap nian Pak Beluk, anye kenan masih juga ngicik “Tape pule syaratnye kabah".

Agak paham Merin, bahwe Pak Beluk ini beminat nian. Merin lasung nerangkah "Harus kuat fisik, kencang belari, jangan lupe pule pacak pakai motor kalu lagi ngejar anak sekolah mu lihai”. 

Belum lame tu Pak Beluk pamit balik. Mulailah die belatih fisik, jak lari sampai makai motor. Tekad Pak Beluk yang penting honor Satpol PP diterime kele. Lagi bemain motor, Pak Beluk numbur batang pisang, laju ketingnye kincut tambah lecet pule dibadannye. 

Belum lame kejadian, Pak Beluk datangi Merin agi. Kenan ngicik "Ce lukmane aku ni, latihan fisik lah udim. Latihan motor lah udim juge. Lah lulus aku ni, ape masih ade syarat lain". 

Jawab Merin "Cukah kabah bejalan kudai depan aku ni. Ngape kinak ketingmu pincang de lurus agi. Syaratnye harus sehat fisik masuk Satpol PP,"